ل باکورێ کوردستانێ بارینا به‌فرێ دێ بەردەوام بیت

befir-berif-babefir-berif-bakur-kurdistankur-kurdistan

ل پرانییا پارێزگەهێن باکورێ کوردستانێ ئەڤه‌ دەمەکە به‌فرێ دەستپێ کرییە و كارتێكرنه‌كا نەرێنی ل ژیانا رۆژانە یا وەلاتییان کرییە.

هات راگهاندن کو ل پارێزگەهێن ئەرزەرۆم، قەرس، ئاگری، ئیدر، ئەردەخان، ئەرزینگان و دێرسمێ یێن باکورێ کوردستانێ، دێ بارینا به‌فرێ بەردەوام بیت و ژ بۆ وەلاتی تەدبیرێن خوە وەربگرن هشیاری هاتییه‌ دان.

ل گۆر داخویانیا رێڤەبەرییا کەش و هەوایێ ل 7 پارێزگەهێن باکورێ کوردستانێ بارینا به‌فرێ دێ بەردەوام بیت و مژ و مۆران دێ هه‌بیت و هه‌روه‌ها دەم بۆ دەمی با و باهۆز ژی دێ چێبن.

ل گۆر ئاگاهیێن رێڤەبەرییا کەش و هەوایێ یا هەرێمێ، ل پارێزگەهێن دێرسم و ئەرزینگانێ شەڤان پلەیا گەرمێ داکەتییە بن سفرێ 1 پلە و پلەیا گەرمێ ل قەرسێ 6، ل ئەردەخانێ 3، ل ئاگری 1 و ل ئەرزەرۆم و ئیدرێ ژی سفرە.