بالافرێن تركیێ لڤینێن په‌كه‌كێ ل مه‌تینی بۆمه‌باران كرن

په‌كه‌كه‌-مه‌تین-چیایێ مه‌تینی-pkk-matin-metin

بالافرێن جه‌نگێ یێن ده‌وله‌تا تركیێ ئیرۆ لڤ و ته‌ڤگه‌رێن رێخستنا په‌كه‌كێ ل چیایێ مه‌تینایێ یێ باشوورێ كوردستانێ كرن ئارمانج.

چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره‌ كر، ئیرۆ رۆژا پێنجشه‌مبی 13/1/2022ێ، بالافرێن شه‌ر یێن ده‌وله‌تا تركیێ، لڤ و ته‌ڤگه‌رێن رێخستنا په‌كه‌كێ ل بلنداهیێن ل هنداڤا گوندێ سگێرێ یێ بنارا چیایێ مه‌تینایێ دان به‌ر مووشه‌كان.

ده‌ست نیشان كر، ئه‌ڤ هێرش به‌ری نیڤرۆژا ئیرۆ پێكهاتییه‌ و هێژان نه‌زه‌لاله‌ زیان د ناڤا په‌كه‌كێ دا چێبوونه‌ یان نه‌.

 رێخستنا په‌كه‌كێ ئه‌ڤ ده‌ما دو سالانه‌ لڤ و ته‌ڤگه‌را چه‌كدارێن خوه‌ خستنه‌ ناڤا گوند و دۆربه‌را باژارۆكێن باشوورێ كوردستانێ، ئه‌ڤ یێك ژی بوویه‌ سه‌ده‌م كو ئه‌ڤ گوند ده‌وام دكه‌ڤن به‌ر هێرشێن ئاسمانی یێن ئارتێشا تركیێ.

د سالا رابووری یا 2021ێ دا‌، پێتری 50 گوندێن باشوورێ كوردستانێ ب تایبه‌ت یێن كو دكه‌ڤن سنۆرێ پارێزگه‌ها دهۆكێ، ب سه‌ده‌ما شه‌رێ په‌كه‌كێ و تركیێ ڤالا بوونه‌ و خه‌لكێ وان كۆچبه‌ر بوونه‌.