مەترسیا پەڤچوونێ د ناڤبەرا پەکەکێ و ئارتێشا ئیراقێ دا ل شنگالێ ھەیە

مەترسیا پەڤچوونێ د ناڤبەرا پەکەکێ و ئارتێشا ئیراقێ دا ل شنگالێ ھەیە

ھێزەکا زێدەیا ئارتێشا ئیراقێ د ناڤ باژارێن شنگالێ ھاتیە بەلاڤ کرن و چەکدارێن پەکەکێ ژی گەفان ل وان دکەن.

ل گۆر زانیاریێن بەردەست، مەترسیا پەڤچوونێ د ناڤبەرا پەکەکێ و ئارتێشا ئیراقێ دا ل شنگالێ ھەیە و ئارتێشا ئیراقێ داخوازا ھێزا پشتەڤان ژ بەغدایێ کریە.

ھەروەھا ئاماژە ب وێ یەکێ تێ کرن کو مەترسی ھەیە چەکدارێن میلیشیایێن حەشدا شەعبی کو نێزیکی ئیرانێ نە و رێکەفتنا وان ل گەل پەکەکێ ھەیە، ل ھەمبەر ئارتێشا ئیراقێ هاریکاریا پەکەکێ بکەن ژ بۆ ئێریش کرنە سەر ئارتێشا ئیراقێ.

دوھی 14/1/2022یێ ھێزەکا ئارتێشا ئیراقێ پەیکەرێ زەردەشت شنگالی یێ ل شنگالێ راکر و پەکەکێ ژی مۆلەتا 12 دەمژمێرا بۆ ڤەگەراندنا وی پەیکەری دا ئارتێشا ئیراقێ، ئەگەر نە دێ ئێریشی ئارتێشا ئیراقێ کەن.

فەرماندارێ پێشمەرگە ل سنۆرێ شنگالێ قاسم شەشۆ راگەھاند: ئەگەر پەڤچوونا پەکەکێ و ئارتێشا ئیراقێ روو بدەت دێ رەوشا شنگالێ ب تەمامی تێک چیت. بەشەک ژ حەشدا شەعبی چوونە ئەنیا پەکەکێ و ئەڤە ژی مەترسیا زێدەتر ل سەر ناڤچەیێ چێدکەت.

قاسم شەشۆ ئاماژە ب وێ یەکێ ژی کر کو پێویستە پەکەکە شنگالێ ڤالا بکەت و گۆت: “تشتا پەکەکە ل شنگالێ دکەت، هەلکرنا ئاگرێ فتنێ یە و ئالۆزکرنا باژاری یە.”

زەردەشت شنگالی یەک ژ رێڤەبەرێن پەکەکێ بوو، سالا بۆری ژ بەر بۆمبەباران بالەفرێن ترکیێ جانێ خوە ژ دەست دا.

بەری ناھا ژی بەرپرسێن قەزایێ ھشیاری دابوون کو پەکەکە پەیکەر و وێنەیێن کەسێن خوەیێن ھاتنە کوشتن ل ناڤ شنگالێ ددانیت.

 

پوستێن ھەمان بەش

پەکەکە چەوا ژ خەتا مەعسووم کۆرکماز یا 15 تەباخێ، بەر ب خەتا عەڤدللا ئۆجەلان یا 15 شوباتێ ڤە چوویە؟

زانیاریێن نه‌بهیستی ده‌ربارێ «پێنگاڤا 15 ته‌باخێ» یا په‌كه‌كێ، د ڤێ زنجیره‌ ڤیدیۆیێن «داركا مازی» دا بزانن

ژ خەتا 15ێ تەباخێ ھەیا خەتا 15ێ شوباتێ؛ د ناڤ پەکەکێ دا چەک و دژواری