ژ 2015ێ 5808 كه‌س د شه‌رێ په‌كه‌كێ و تركیێ دا هاتنه‌ كوشتن

International Crisis Group-kurd-kurdistan-pkk-turkey-war

گرووپا کریزێن ناڤدەولەتی راگه‌هاند، ژ سالا 2015ێ، د شەرێ ترکیێ و رێخستنا په‌كه‌كێ دا 5808 کەس هاتنە کوشتن، پتری هزار ژ وان ل هه‌رێما كوردستانێ نه‌.

گروپا کریزێن ناڤدەولەتی راگه‌هاند کو ژ سالا 2015ێ و د ئەنجاما شەرێ ناڤبەرا په‌كه‌كێ و ئارتێشا ترکیێ دا 5 هەزار و 808 کەس هاتنە کوشتن کو هەزار ژ وان د ناڤ ئاخا باشوورێ کوردستانێ دا بووینە.

ل تیرمەها 2015 ێ ئاگربەستا دو سال و نیڤی یا د ناڤبەرا په‌كه‌كێ و ترکیێ دا ب داوی بوو و قۆناغەکا نوو یا شەر دەستپێکر.

گرووپا کریزێن ناڤدەولەتی د راپۆرتەکێ دا دیار كرییه‌، ژ وی ده‌می «توندوتیژیێ» كارتێكرنه‌كا مەزن ل سەر باژار و باژارۆکێن کوردان كرییه‌ و ب كێمی 5 هەزار و 808 کەس هاتنە کوشتن.

ل گۆری راپۆرتا وێ رێخستنێ، ژ وێ هەژمارا کەسێن ژیانا خوە ژ دەست داین، 3 هەزار و 671 گەریلا و چالاکڤانێن په‌كه‌كێ بووینە  كو ل باکورێ کوردستان و ترکیێ هاتنه‌ كوشتن.

ل گۆری راپۆرتێ د ڤێ هەیاما شەر و پەڤچوونان دا هەزار و 318 لەشکەر، پۆلیس و جەردەڤان هاتنە کوشتن.

هەروها ژ وان قوربانییان 593 کەس سڤیل بوونە و 226 کەس ژی ل نێزیکی جهێن شەری هاتینه‌ کوشتن.

پوستێن ھەمان بەش