رێڤەبەریا دەریێ سینۆری یێ پێشابوور راگھاند کو رۆژا چارشەمبێ دێ رێ دەتە ڤەگەرا وان کەسێن کو ب فەرمی ژ ھەرێما کوردستانێ چوونە رۆژئاڤایێ کوردستانێ و کەسێن ھلگرێن ئیقامە و پاسەپۆرتێن بیانی.
رێڤەبەریا دەریێ سینۆری یێ پێشابوورێ داخویانیەک ژ بۆ کەسێن کو ل رۆژئاڤایێ کوردستانێ ئاسێ مانە دا.
رێڤەبەریا دەریێ سینۆری یێ پێشابوور د داخویانیا خوە دا دەربارێ ڤەگەرا کەسێن کو ل رۆژئاڤایێ کوردستانێ ئاسێ مانە راگھاند، رۆژا چارشەمبێ 19ێ چلەیا 2022یێ بۆ ڤەگەرا کەسێن ئاسێ مانە ھاتیە دیارکرن کو ژ دەمژمێر 9:00 سبەھێ ھەتا 16:00ێ ئەو کەس دکارن ب رێیا دەریێ سینۆری یێ ئەل-وەلید ڤەگەرن ھەرێما کوردستانێ.
دەریێ سێمالکا-پێشابوورێ ژ سالا 2013ێ ڤە رێیەکا سەرەکی و گرینگە د ناڤبەرا باشوور و رۆژئاڤایێ کوردستانێ دا، لێ ژ 15ێ چلەیا 2021ێ ڤە، ئەو دەری ھاتیە گرتن. سەدەما گرتنا دەری ژی، ئێریشا گرووپا ب ناڤێ جوانێن شۆرەشگەر و ھەژمارەکا کەسێن دی یێن سەر ب پەکەکێ بوو ل ئالیێ رۆژئاڤایێ کوردستانێ بۆ سەر وی دەری.
