ل عەفرین و ھەرێما شەھبایێ د 2 بوویەرێن شەواتێ دا، 4 زارۆکێن کۆچبەر جانێ خوە ژ دەست دا.
رێخستنا مافێن مرۆڤان ل عەفرینێ بەلاڤ کر، رۆژا 18/1/2022یێ ئاگر ب خیڤەتەکا کامپا ئاڤرازێ یا کۆچبەران کەت و د ئەنجاما دا دو زارۆک (ئینتیسار سنجار یا 5 سالی و لین سنجار یا 3 سالی) جانێ خوە ژ دەست دا و دیا وان ژی ب گرانی بریندار بوو.
دیار کر ژی، مالبات سنجار ژ خەلکێ باژارۆکێ مەرت ئەل-نومانا سەر ب پارێزگەھا ئدلبێ ڤە نە و کۆچبەری عەفرینێ بوویە.
رێخستنا مافێن مرۆڤان راگھاند ژی، ل گوندێ خەرناتایا ل ھەرێما شەھبایێ بەرمیلەکا گازێ تەقیا و د ئەنجامێ دا دو زارۆک (عەلی وەلۆ یێ 11 سالی و رۆزا وەلۆا یا 12 سالی) ب گرانی بریندار بوون و پشتی ڤەگوھاستنا وان بۆ نەخوەشخانەیەکا حەلەبێ، ژ بەر گرانیا برینێن خوە ھەر دویان جانێ خوە ژ دەست دان.
