گورگێن قه‌ندیلی و ره‌ڤاندنا زارۆكێن كوردان

گورگێن قه‌ندیلێ و ره‌ڤاندنا زارۆكێن كوردان

ره‌ڤاندنا زارۆكێن كوردان، ژ ئالیێ په‌كه‌كێ و ریخستنێن دن یێن سەر ب وێ ڤە به‌رده‌وامه‌، هه‌ری داوی چەتەیێن ب ناڤێ «جوانێن شۆره‌شگه‌ر»، 18 زارۆك ره‌ڤاندن و چاره‌نووسا وان نه‌دیاره‌.

رێخستنا «جوانێن شۆره‌شگه‌ر» یا كو گه‌لێ رۆژئاڤا ئه‌ندامێن وێ وه‌كه‌ «گورگێن قه‌ندیلێ» ناس دكه‌ن‌، ل هه‌ردو مه‌هێن داویێ یێن سالا رابووری 2021ێ، 18 زارۆك ژ باژار و باژارۆكێن جودا یێن رۆژئاڤا كوردستانێ، ب ئارمانجا لەشکەرکرنا وان یا ب دارێ زۆرێ رەڤاندن و چارەنڤیسا وان نەدیارە.

ل گۆری ئاگاهیێن كو ژ بۆ پێگه‌ها «داركا مازی» هاتینه‌ شاندن، زارۆکێن کو ژ ئالیێ چەکدارێن په‌یه‌دێ و «جوانێن شۆره‌شگه‌ر» ڤە هاتنه‌ رەڤاندن، ژیێ وان ژ 16 سالیێ كێمتره‌، خولێن په‌روه‌ردێ ژ بۆی وان هاتینه‌ چێكرن دا کو پشترە بۆ به‌ره‌یێن شەر بهێن‌ رێكرن.

ناڤێن زارۆكێن ره‌ڤاندی ئەڤه‌نه‌:

   1. عەبیر جاسترۆ عەبدولعەزیز، 15 سالی یه‌ – ژ گوندێ بلیسیێ یێ ل دێرکێ یە، ل 2/11/2021ێ ل باژارێ قامشلۆ هاته‌ رەڤاندن.

   2. مریه‌م فه‌رید، 12 سالى یه‌ – په‌نابه‌را عه‌فرینێ یه‌، ل 5/11/2021ێ ل باژارێ كۆبانیێ هاته‌ ره‌ڤاندن.

   3. سیدرا خەلیل ئیبراهیم –  ژ گوندێ ئەبوودان یێ ناڤچه‌یا بلبلێ یه‌، ل 6/11/2021ێ ل تاخێ شێخ مەقسوود یێ حه‌له‌بێ هاته‌ رەڤاندن.

   4. دلاڤا عه‌بدو حه‌سه‌ن، 13 سالی یه‌ – ژ گوندێ شیران یێ ل كۆبانیێ یه‌، ل 7/11/2021ێ هاته‌ رەڤاندن.

   5. ئه‌ڤین جه‌لال خه‌لیل، 15 سالی یه‌ – ژ عاموودێ یه‌، ل 21/11/2021ێ هاته‌ رەڤاندن.

   6. هه‌دیا عه‌بدولره‌حیم عه‌نته‌ر، 15 سالی یه‌ – ژ عاموودێ یه‌، ل21/11/2021ێ هاته‌ ره‌ڤاندن.

   7. ئایانا ئدریس ئیبراهیم، 16 سالی یه‌، ژ عاموودێ یه‌، ل 21/11/2021ێ هاته‌ ره‌ڤاندن.

   8. ئه‌حمه‌د شێخ زێدان، 14 سالی – ژ گوندێ زۆگرێ یێ كۆبانیێ یه‌، ل 21/11/2021ێ هاته‌ ره‌ڤاندن.

   9. خەتتاب عوبەید حەسەن، 15 سالی یه‌ – ژ تاخێ هیلالیێ یێ باژارێ قامشلۆیێ یه‌، ل 24/11/2021ێ هاته‌ رەڤاندن.

  10. عیسام محەمەد عیسا، 13 سالی یه‌ – ژ گوندێ قەتمێ یێ ناڤچەیا شه‌رایێ یه‌، ل 27/11/2021ێ ژ تاخێ شێخ مەقسوود هاته‌ رەڤاندن.

  11. محەمەد عه‌بدۆ بۆزۆ – ژ گوندێ کەفەردەلێ یێ ناڤچەیا جندرێسێ یه‌، ل 27/11/2021ێ ژ كه‌مپێن شەهبایێ ل گوندەوارێ حەلەبێ هاتە رەڤاندن.

  12. عه‌زۆ ئه‌لحه‌مه‌د ئه‌لعه‌لۆ، 13 سالی یه‌ – عه‌ره‌به‌، ژ گوندێ ئه‌ل شبل یێ ل عه‌ین عیسایێ یه‌، ل 12/12/2021ێ هاته‌ ره‌ڤاندن.

  13. فیراس ئه‌لخه‌له‌ف ئه‌لعه‌لۆ، 14 سالی یه‌ – عه‌ره‌به‌، ژ گوندێ ئه‌ل شبل یێ ل عه‌ین عیسایێ یه‌، 12/12/2021ێ هاته‌‌ ره‌ڤاندن.

  14. عەبدولرەحمان ئەحمەد برۆ، 13 سالی یه‌، ژ تاخا ئەشرەفیێ یا حەلەبێ یه‌، ل 14/12/2021ێ هاتە رەڤاندن.

  15. سه‌ما فه‌تحی كه‌دۆ، 16 سالی یه‌، ژ قامشلۆیێ یه‌، ل 19/12/2021ێ هاته‌ ره‌ڤاندن، نه‌خوه‌شیێن دۆمدرێژ هه‌نه‌ و ل 11/1/2022ێ هاته‌ ئازاد كرن.

  16. جیڤارا ته‌وفیق مسته‌فا، 14 سالی یه‌ – گوندێ كۆرا یێ جندرێسێ یه‌، ل 23/12/2021ێ ژ تاخا شێخ مه‌قسوود یێ هاته‌ ره‌ڤاندن، پاش كو بابێ وی ل دویڤ وی چووی، كاری كۆڕێ خوه‌ ڤه‌گه‌رینیت.

  17. سیلڤا نیدال عیسا، 19 سالی یه‌ – جارا دوێ یه‌ دهێته‌ ره‌ڤاندن، پشتی كو مامێ وێ عه‌بدو عیسا گه‌ف ل چه‌كدارێن په‌یه‌دێ كری، ئه‌و ژی هاته‌ ره‌ڤاندن و چاره‌نڤیسا وان نه‌دیاره‌.

  18. ستێرا ئه‌حمه‌د شێخۆ، 12 سالی یه‌ – ژ گوندێ قجلێ یێ عاموودێ یه‌، ل 27/12/2021ێ هاته‌ ره‌ڤاندن.

 

گورگێن قه‌ندیلی ل كۆلانان دگه‌رن و ل به‌ر چاڤێن جه‌نه‌رال شاهین جیلۆ!! زارۆكێن كوردان نێچیر دكه‌ن

تا‌وانێن رێخستنا «جوانێن شۆره‌شگه‌ر» یا كو راسته‌ راست ژ لایێ جه‌میل باییك ڤه‌ دهێته‌ برێڤه‌برن، گه‌هشتینه‌ ئاسته‌كی وه‌ها كو ئێدی گه‌لێ رۆژئاڤا ناڤێ «گورگێن قه‌ندیلی» ل ئه‌ندامێن وێ كرینه‌، ئه‌ڤ گورگه‌ رۆژانه‌ ل كۆلان و جاده‌یێن باژێرێن رۆژئاڤا دگه‌رن و زارۆكێن كوردان ل به‌ر چاڤێن جه‌نه‌رال شاهین جیلۆ!! نێچیر دكه‌ن.

پوستێن ھەمان بەش