ب سەدان وەلاتیێن سووریێ، کو پرانییا وان کوردن و خوەدی دەستوورا روونشتنێ نه ل هەرێما کوردستانێ، ئیرۆ ب رێیا دەرگەهێ «ئه‌ل وه‌لید» به‌ر ب باشوورێ كوردستانێ كه‌تنه رێ، پشتی كو حکوومەتا کوردستانێ تەنێ رۆژەکێ دەستوور دایه وان کو دەرباس ببن.
ئیرۆ رۆژا چارشه‌مبیێ 19/1/2022ێ، ب سەدان وه‌لاتیێن سووری کو پرانییا وان کوردن و خوەدی دەستوورا روونشتنێ نه ل هەرێما کوردستانێ و هه‌روه‌ها كه‌سێن خوەدی پاساپۆرت و ده‌ستوورا نیشتەجهیبوونێ یێن بیانی، ژ دەریێ سینۆری یێ ئەل وەلید، به‌رێ خوه دان هه‌رێما كوردستانێ، پاش كو حکوومەتا هەرێما کوردستانێ رۆژەکێ دەستوور دا یه وان کو دەرباس ببن.
هێژای گۆتنێ یه، ده‌ریێ ئه‌ل وه‌لید ته‌نێ ژ بۆی کاروانێن هەڤپەیمانییا ناڤدەولەتی و شانده‌یێن رێخستنێن بیانی ده‌ست نیشان كرییه، لێ به‌لێ پاش كو ده‌ریێ سێمالكایێ ب سه‌ده‌ما ئێریشا په‌كه‌كێ به‌رییا مه‌هه‌كێ هاتییه داخستن، كه‌سێن كو خوه‌دی ده‌ستوورا نیشته‌جیهبوونێ یا هه‌رێما كوردستانێ ل رۆژئاڤا ئاسێ مابوون، ئیرۆ ژی وان ب رێیا ده‌ریێ ئه‌ل وه‌لید، جاره‌كه دن به‌رێ خوه دان باشوور.
حکوومەتا هەرێما کوردستانێ تەنێ رۆژەکێ دەستوور دا وان کو دەرباس ببن.
