هات نووکرن- په‌كه‌كێ د تۆلهلدانا گرتنا ده‌ریێ سێمالكا دا، بۆرییا كوردستانێ ته‌قاندییه
ناسنامه‌یا کەسێن كو بۆریا په‌ترۆلا كوردستانێ ل ئالیێ تركیێ هه‌ده‌ف كری هێژان باش ئیفشا نه‌بوویه، لێ به‌لێ ئه‌ڤ هێرش ب شێوازێ هێرشێن په‌كه‌كێ پێكهاتییه.
ل شه‌ڤا ده‌رباسبوویی 18 سه‌ر 19/1/2022ێ، بۆریا په‌ترۆلا كوردستانێ ل ناڤچەیه‌كا نێڤبه‌را پارێزگەهێن گومگوم و دیلۆکێ یێن باکورێ کوردستانێ دا ته‌قیا، ئاگره‌كێ مه‌زن ده‌ركه‌ت و ئه‌ڤ یێك بوو سه‌ده‌م كو هه‌نارده‌كرنا په‌ترۆلێ بهێته راوه‌ستاندن.
كۆمپانییا بۆتاش یا كو سه‌رپه‌رشتییا هه‌نارده‌كرنێ دكه‌ت گۆتییه: «تشتا كو چێبوویه ته‌قینه، لێ به‌لێ ناسنامه‌یا ڤێ ته‌قینێ هێژان نه‌دیاره».
ل گۆری ئاگاهیێن كو پێگه‌ها «داركا مازی» ب ده‌ست خستنه، ئه‌ڤ ته‌قین ب شێوازا خوه هه‌مئاوایێ هێرشێن به‌رییا نها یێن په‌كه‌كێ نه كو چه‌ندین جاران ل سه‌ر بۆریێن «كه‌ركووك – جه‌یهان و بۆریا كوردستان – جه‌یهان» ئه‌نجام دا نه، داوی جار ژی هێرشا مه‌ها 10 یا سالا 2020ێ بوو.
تەڤی کو وەزارەتا سامانێن سروشتی یا هەرما کوردستانێ د ڤێ دەربارێ دا داخویانیەک پارڤە کریە و تێدا راگهاندیە، ووسا دخویە ئەڤ تەقین ژ بەر شورتەکا کارەبێ پێک هاتبیت. لێ بەلێ، ئاژانسا پاراستن و زانیاری یا هەرێما کوردستانێ راگهاند لێكۆلین ژ بۆ زه‌لال كرنا جورێ هێرشێ و دیار كرنا ناسنامه‌یا ته‌قینێ ده‌وام دكه‌ن.
ب ئاوایەکی گشتی هەیا نها هه‌موو گۆمان ژ بۆ رێخستنا په‌كه‌كێ دچن كو ئه‌ڤ هێرش وه‌كه تۆلهلدانه‌كێ ژ بۆی گرتنا ده‌ریێ سنۆری یێ سێمالكایێ ئه‌نجام دا بیت.
رێخستنا په‌كه‌كێ هێژان ل سه‌ر هێرشێ چ زه‌لالكرن نه‌دانه.
پەکەکێ ل 28ی جۆتمەھا سالا 2020ێ ل نسێیبینا باکورێ کوردستانێ، بۆریا پەترۆلا هەرێما کوردستانێ تەقاند، ڤێ تاقاندنێ نێزیکی 110 ملیۆن دۆلاران زیان گەهاندن هەرێما کوردستانێ.
