HBDH: بۆریا پەترۆلێ ژ ئالیێ گەریلایێن مە ڤە هاتیە تەقاندن
گەریلایێن ھەبەدەھێ بەرپرسیارتیا تەقاندنا بۆریا پەترۆلێ یا هەرێما کوردستانێ ل مەرەش-پازارجخێ گرتە سەر خوە. ھەبەدەھێ ب داخویانیەکێ راگھاند کو بۆریا پەترۆلێ ب تەکنیکەک تایبەت ژ ئالیێ گەریلایێن وێ ڤە ھاتیە تەقاندن.
د داخویانیا نڤیسکی یا تەڤگەرا شۆرەشگەرا یەکبوویی یا گەلان (HBDH) دا ھاتە گۆتن؛ د “18ێ چلەیا 2022ێ دا، گەریلایێن مەیێن ھەبەدەھێ بۆریا پەترۆلێ یا ل مەرەش-پازارجخێ ب تەکنیکەکا تایبەت تەقاند. گەریلایێن مە پشتی چالاکیێ ب رەنگەکی ئەولە ڤەگەریان بارەگەھێن خوە.
کۆما ب ناڤێ ھەبەدەھ رێخستنەکە کو ژ ئالیێ پەکەکێ ڤە ب دەھ پێکھاتەیێن بچووکێن چەپگر ڤە ھاتیە ئاڤاکرن. ئەڤ رێخستنێن بچووک کو پرانیا وان ل رۆژئاڤا و گارێ نە، رێخستنێن د بن سیا پەکەکێ دانە. یانی ھێزا کو ب راستی بریارا چالاکیێ ددەت پەکەکەیە.
پەکەکە ھندەک کریارێن خوە یێن ل باژاران ب ناڤێ YPS ئانکو یەکینەیێن پاراستنا سڤیل و ھندەکان ژی د بن ناڤێ HBDH دا ئەنجام ددەت. د راستیێ دا ھەموو ژی ھەمان رێخستن و ھێزێن گرێدایی پەکەکێ نە. لێ بەلێ، پەکەکە ب پشتگریکرنا کریارێن کو وێ ب ھەبەدەھێ کارڤەدانا کوردان دیار کەت، ھەول ددەت ناڤێ خوە وەندا بکەت.
ھەبەدەھێ د داخویانیا خوە دا راگهاند، “گەریلایێن ھەبەدەھێ ل ھەر کێلیێ و ل ھەر جھی ھێزا خوەیا چالاکیێ برێخستن دکەن. چالاکیا مەیا ل مەرەشێ ژ بۆ ھلانینا تۆلا گەلێن مەیێن بندەست، چینا کارکەر، کەدکار، بەرخوەدێرێن ل زیندانان و تۆلھلدانا ب دەھان شۆرەشگەرێن ژ ئالیێ فاشیستان ڤە ھاتن قەتلکرن، پێک ھاتیە. ھایا گەریلایێن ھەبەدەھێ ژ ھەر کریارێن فاشیزما ئاکەپێ-مەھەپێ و ھەڤکارێن وێ ھەیە. وێ ھەسابا کۆمکوژیێن کو وان ئەنجامدانە بپرسین و پلانێن وان یێن کۆمکوژیان تێک بەین. هیچ ھەسابەک بێی بەرسڤ نەمینیت. ژ نھا و پێ ڤە بلا بهێتە زانین؛ کی زلمێ ل گەل بکەت، ل شۆرەشگەران بدەت، ھەول بدەن روومەتا کەدکاران بنپێ بکەن و یێن پشتگریێ ددەنە فاشیزمێ، دێ گەریلایێن ھەبەدەھێ ل ھەمبەری خوە ببینن”.
ھەبەدەھێ ووسا دایە خویا کرن کو ئەڤ چالاکی ژ بۆی سالڤەگەرا مرنا ھرانت دینکە پێک ئانیە. هەر وەها راگهاند کو ئەو ڤێ چالاکیا خوە دیاری ھرانت دینک و گرتیێن شۆرەشگەرێن ل زندانا ل بەر خوە ددەن، دکەن!
تەڤگەرا شۆرەشگەرا یەکبوویی یا گەلان (ھەبەدەھ) ل 12ێ ئادارا سالا 2016ێ دا هاتیە دەمازراندن، و دوران کالکان د دەما دامەزراندنا ڤێ رێخستنێ دا ب زمانێ ترکی داخویانیەک ل سەر یەکبوونا پەکەکێ لگەل 8 ریخستنێن کۆمۆنیست کو ئەڤ رێخستنە ژی یەک ژ وان بوویە راگهاند.
داخویانیا کالکان:
