سه‌رۆكێ حكوومه‌تا هه‌رێما كوردستانێ، ئیرۆ ل گه‌ل وه‌زیرێن پێشمه‌رگه و ناڤخوه جڤییا، ژ بۆ كو ئاماده‌هی و رێكارێن پاراستنا هه‌رێما كوردستانێ ژ ئێریشێن نه‌خوه‌ستی یێن ته‌رۆریستان بێن توند كرن.
مه‌سروور بارزانی، ئیرۆ رۆژا یه‌كشه‌مبی 23/1/2022ێ ل گه‌ل هه‌ر یێك ژ شۆرش ئیسماعیل و رێبه‌ر ئه‌حمه‌د، وه‌زیرێن پێشمه‌رگه و ناڤخوه جڤییا، پێشهاتێن هه‌ری داوین یێن ئیراقێ و سووریێ ب تایبه‌ت زێده‌بوونا خه‌ته‌رییا ته‌رۆریستێن داعشێ گفتووگوكرن.
سه‌رۆكێ وه‌زیران، دلگرانییا خوه ژ زێده‌بوونا ئێریشێن ته‌رۆریستێن داعشێ ل ئیراقێ و سووریێ نیشان دا و ته‌كه‌زی ل سه‌ر گرینگییا توندكرنا خه‌تێن به‌ره‌ڤانیێ و رێكارێن پاراستنا هه‌رێما كوردستانێ ژ خه‌ته‌رییا ته‌رۆریستان كر.
هه‌روه‌ها ئاماژه كر، ژ بۆی ڤێ مه‌به‌ستێ، پێویسته ب هه‌مئاهه‌نگی ل گه‌ل حكوومه‌تا فه‌ده‌رال و هێزێن هه‌ڤپه‌یمانییا ناڤده‌وله‌تی، پێوه‌ندیێن به‌رده‌وام هه‌بن، ژ بۆ كو ب هه‌ڤره روو ب روو خه‌ته‌رییا داعشێ بێ كرن.
