سەرۆکێ گشتییێ پارتیا کۆمارییا گەل (جەهەپێ) کەمال کلچدارۆغلو ل ناڤەندا پارتیا دەمۆکراسی و پێشڤەچوونێ (دەڤا) سەردانا سەرۆکێ گشتییێ دەڤایێ عەلی باباجان کر.
پشتی ھەڤدیتنا شاندێن ھەردو پارتیان، کەمال کلچدارئۆغلو و عەلی باباجان جڤینەکاە چاپەمەنیێیا ھەڤبەش ل دار خستن.
سەرۆکێ گشتییێ جەهەپێ کەمال کلچدارئۆغلو د جڤینا رۆژنامەڤانی دا راگھاند کو ئەو دێ 27ێ ڤێ مەھێ سەردانا دیاربەکرێ کەت و گۆت، “رێیا دەمۆکراسیا ترکیێ د دیاربەکرێ را دەرباس دبیت.”
کلچدارئۆغلو وەھا ئاخڤی: “ئەز دێ 27ێ ڤێ مەھێ چم دیاربەکرێ، ئەز سلاڤێن خوە ژ ڤێ دەرێ ژ بۆ دیاربەکریان رێ دکەم. ب تەکەزی باوەریا من ب ڤێ یەکێ ھەیە کو رێیا دەمۆکراسیا ترکیایێ د دیاربەکرێ را دەرباس دبە و ل ڤی وەلاتی گەر هیچ کەسەک ژ بەر ناسنامەیا خوە و باوەریا خوە راستی جوداھیێ نەیێ، رێیا ڤێ یەکێ ژی د دیاربەکرێ را دەرباس دبیت. ئەز دێ ڤێ بێژمە خەلکێ دیاربەکرێ. ھەروەھا ئەز دێ پرسێن وان ژی ژ دل بەرسڤ دەم.”
