ئیرۆ رۆژا چارشەمبێ 26ێ چلەیێ 2022یێ ھێزێن سووریا دەمۆکراتیک (ھەسەدێ) راگھاند کو ھێزەن وان گرتیگەھا سیناعە یا حەسەکێ کو تەرۆریستێن داعشێ سەری ھلدابوون ب تەمامی کۆنترۆل کر.
ناڤەندا راگھاندنێیا ھەسەدێ ئاشکەرە کر؛ پێنگاڤا گورزێ گەلان ب ئەنجام بوویە و زیندانا سیناعە یا باژارێ حەسەکێ ب تەمامی کەتیە بن کۆنترۆلا ھێزێن سووریا دەمۆکراتیک (ھەسەدێ).
ناڤەندا راگھاندنێیا ھێزێن سووریا دەمۆکراتیک راگھاند کو ھێزێن وان و ھێزێن ئەولەکاریا ھوندرین د بن ناڤێ ئۆپەراسیۆنا “گورزێن گەلان” دا گرتیگەھا سیناعە یا ل تاخێ خوێران ب تەڤاھی خستن بن کۆنترۆلا خوە و ھەموو چەکدارێن داعشێ کو د ھوندرێ وێ دا بوون، هاتن گرتن.
ھسدێ دیار کر کو ئیرۆ ھەژمارەک مەزن ژ چەکدارێن داعشێ یێن ژ گرتیگەھێ رەڤیای، خوە رادەستی وان کرینە و کەسێن دەستەسەرکری بۆ جھەکی ئەولەتر ھاتنە ڤەگوھەستن.
ھەروھا ئاشکەرا کر؛ ژ دەستپێکا ئێریشا سەر زیندانا سیناعە ل حەسەکێ، ھەسەدێ نێزیکی ھەزار چەکدارێن داعشێ نەچار کرینە کو خوە رادەستی ھێزێن سووریایا دەمۆکراتیک بکەن.
