بارەگەھا بارزانی حەفتەمین سالڤەگەرا رزگارکرنا باژارێ کۆبانی ژ دەستێ داعشێ پیرۆز کر.
بارەگەھا بارزانی ب بۆنەیا حەفتەمین سالڤەگەرا رزگارکرنا باژارێ کۆبانێ یێ رۆژئاڤایێ کوردستانێ پەیامەکا پیرۆزباھیێ بەلاڤ کر.
د پەیامێ دا کو ب کوردی و عەرەبی ھاتیە بەلاڤکرن، وەھا ھاتیە گۆتن: حەفتەمین سالڤەگەرا رزگارکرنا کۆبانێ پیرۆز بیت.
باژارێ کۆبانێ یێ رۆژئاڤایێ کوردستانێ د سالا 2014ێ دا ژ ئالیێ رێخستنا داعشێ ڤە ھاتبوو داگیرکرن.
ب فەرمانا سەرۆک مەسعوود بارزانی، پارلامەنتۆیا کوردستانێ بریارەک دەرخست و ھێزێن پێشمەرگە دەرباسی باژارێ کۆبانێ بوون و لگەل شەرڤانان ل دژی داعشێ شەر کرن.
ھێزێن پێشمەرگە د رۆژا 29ێ جۆتمەھا 2014ێ دا د دەریێ سینۆری یێ خابوورێ را دەرباس بوون و ب رێیا باکورێ کوردستانێ دەرباسی کۆبانی بوون.
وێ دەمێ 70 ژ سەدێ باژارێ کۆبانی ژ ئالیێ داعشێ ڤە ھاتبوو داگیرکرن، پشتی کو پێشمەرگە دەرباسی ناڤ باژێری بووی، ب پشتەڤانیا ئەسمانی یا ھەڤپەیمانیا ناڤدەولەتی ژی، ھێزێن کوردی د رۆژا 26ێ چلەیا 2015ێ باژێر ژ داعشێ پاقژ کر.
