ل باژارۆکێ شھێلێ یێ رۆژھلاتێ دێرەزۆرێ هندەک چەکداران ئێریشی سەر خالەکا لەشکەرییا شەرڤانێن ھەسەدێ کر. ھەسەدێ 7 تۆھمەتبار ژی دەستەسەر کرن.
ل گۆر رەوانگەھا سووری یا مافێن مرۆڤان، ئێریش ژ ئالیێ شانەیێن رازایی یێن داعشێ ڤە بۆ سەر خالا ھندی یا ھەسەدێ ھاتیە کرن و پشترا شەر و پەڤچوون د ناڤبەرا ھێزێن ھەسەدێ و ئێریشکەران دا دەرکەتیە و دەردۆرا نیڤ دەمژمێرەکێ بەردەوام کریە، پشترا ئەو کەس بەر ب جھەکێ نەدیار ڤە رەڤیانە.
ل ئالیێ دن ھەسەدێ 5 کەس ل باژارۆکێ زیبان، یەک ل گوندێ تەیب ئەل-فال و 7 کەس ل باژارۆکێ بسێرە ل پارێزگەھا دێرەزۆرێ ب تۆھمەتا ئەندامتیا داعشێ دەستەسەر کرن، ب ڤی ئاوایی ھەژمارا کەسێن کو ژ ئالیێ ھەسەدێ ڤە د 3 رۆژان دا ھاتنە دەستەسەرکرن گەھشتە 42 کەسان.
پشتی ئێریشێن داعشێ بۆ سەر گرتیگەھا خوێران یا حەسەکێ د 20ێ ڤێ مەھێ دا، ھەسەدێ ل گوندێن دێرەزۆرێ و ناڤچەیێن دن یێن رێڤەبەریا خوەسەر دەست ب ئۆپەراسیۆنا دەستەسەرکرنا ئەندام و ئالیگرێن داعشێ کریە.