كادرهكێ ب تهمهن یێ رێخستنا پهكهكێ، ل چیایێ گارهی دهستدرێژی كره سهر گهریلایهكا 28 سالی و ل سهر ڤێ یەکێ ئهو هاتنه دهستهسهر كرن.
چاڤکانیێن پێگەها «دارکا مازی» ل باشوورێ کوردستانێ ئاگاهیێن تایبهت ل دهربارێ بوویهرهكا ئهخلاقی یا ناڤا رێخستنا پهكهكێ ب دهست ئێخستنه كو ل چیایێ گارهی یێ سنۆرێ پارێزگهها دهۆكێ چێبوویه.
بوویهر وههایه:
دو سالان بهرێ واته ل 2019ێ ل نەخوەشخانەیا لەشکری یا پەکەکێ كو د یەک ژ شکەفتێن چیایێ گارەی دا یه، د ناڤبەرا دو دختۆرێن پەکەکێ دا پهیوهندییهكا سێکسی ئاشكهرا دبیت، پاش ئیفشا بوونا ڤێ نهێنیێ، ئهو هاتنه دهستهسهر كرن و ژ وێ دهمی ڤه چارهنڤیسا وان نهدیاره.
ئەڤ پهیوهندییا سێکسی د نێڤبەرا دختۆرێ پەکەکێ یێ ب کۆدناڤێ «مەزلووم» کو ژیێ نێزیكی 70 سالانه و ههورهها گهریلایا ب ناڤێ «ئهیلهم» یا تهمهن 28 سالی دا چێبوویه.
مهزلووم ژ باکورێ کوردستانێ یە و ل سالا 1998ێ تەڤلی رەفێن پەکەکێ بوویە، ههروەها «ئەیلەم» ژ قبرسێ یە و ئهو ژی ل 2013ێ تەڤلی پەکەکێ بوویە.
ههر چهنهده کو پەکەکە هەول ددەت پهیوهندیێن ب ڤی ئاوایی یێن سێكسی د ناڤبەرا گەریلایێن خوە دا نەهێلیت و ڤەشێریت، لێ بەلێ، رۆژ ناچیت روورەشیەکا پەکەکێ ل سەر ڤێ مژارێ ئاشكهرا نهبیت.