دایکەکا کورد ژ حەسەکێ راگھاند کو تەڤگەرا جوانێن شۆرەشگەر کورێ وێ رەڤاندیە.
مالباتا زارۆکەکی حەسەکێ ب ناڤێ محەمەد ئازاد، دبێژیت کو کورێ وان ژ ئالیێ تەڤگەرا جوانێن شۆرەشگەر ڤە ھاتیە رەڤاندن.
سوعاد خەلیل، داییکا محەمەد ئازاد بەشداری بولتەنا رووداوێ بوو و گۆت، رۆژا چارشەمبا بۆری کورێ وێ ل تاخا مفتی یا باژارێ حەسەکێ ژ ئالیێ تەڤگەرا جوانێن شۆرەشەر ڤە ھاتیە برن و ھەتا نھا ئەو چارەنڤیسا وی نزانن.
سوعاد خەلیل دیار کر کو کورێ وێ 15 سالییە و ب گۆتنا وێ ھندەک شاھدحالان دیتیە کو کورێ وێ ژ لایێ دو ئەندامێن تەڤگەرا جوانێن شۆرەشەر ڤە ل ئۆتۆمۆبیلەکێ ھاتیە سوارکرن و پشترا چ ئاگاھی ژ وی وەرنەگرتیە.
داییکا محەمەد ب رێیا رووداوێ بانگ ل بەرپرسێن رێڤەبەریا خوەسەر و فەرماندارێ گشتی یێ ھێزێن سووریا دەمۆکراتیک (ھەسەدێ) مەزلووم کۆبانی کر کو کورێ وێ ڤەگەرینن ژ بۆ کو بچیت خواندنا خوە بەردەوام بکەت.
ل 27ی ڤێ مەهێ، چاڤکانیێن پێگەها دارکا مازی ل هەسەکێ ئەشکەرە کربوو کو “جوانێن شۆرەشگەر” یێن سەر ب پەکەکێ، زارۆکەکێ 14 سالی ل حەسەکێ رەڤاندیە، ئیرۆ ژی داییکا وی تەکەزی ل سەر زانیاریێن پێگەها دارکا مازی کر و راگهاند کورێ وێ هاتیە رەڤاندن.
