هەڤسەرۆکێ بەرێ یێ هه‌ده‌پێ سه‌لاحه‌ددین دەمیرتاش د پەیامەکێ دا بانگ ل جوانێن کورد کر، ل خواندنگه‌هان دەرسا زمانێ کوردی هه‌لبژێرن.
سه‌لاحه‌ددین دەمیرتاش ل حه‌سابا خوە یا «تویته‌رێ» پەیامەک بەلاڤ کر و تێدا نڤیسی: «سلاڤ جوانێن ب قیمەت. وەکە هوون ژی دزانن، هه‌لبژارتنا دەرسێن بژارتە هەتا 7ێ سباتێ هاته درێژ کرن، ژ کەرەما خوە ل خواندنگه‌هان زمانێ خوە یێ زکماکی هه‌لبژێرن».
چاڤه‌رێ تێ كرن، دەرسێن هه‌لبژارتی یێن كوردی بۆ سالا خواندنێ 2022-2023ێ ل خواندنگه‌هێن ئامادەیی یێن گرێدایی وەزارەتا پەروەردەییا ترکیێ بهێنه گۆتن، پرۆسه‌یا هه‌لبژارتنێ هه‌تا 7 سباتێ هاتییه درێژ كرن، ژ خوەندەکاران دهێته خوەستن کو هەتا ڤێ دیرۆکێ دەرسێن خوە هه‌لبژێرن.
ئەگەر هەتا 7ێ سباتێ تۆمارکرنا زمانێ کوردی وەک دەرسا هه‌لبژارتی زێدە ببیت، د سالا نوو یا خواندنێ دا، دێ هەژمارەکا زێدە یا مامۆستایێن کورمانجی و زازاکی ژ بۆ پۆلێن 5، 6، 7 و 8 هێنه ئەرکدارکرن.
