پاک: ئەم کۆمکوژییا 1ێ شوباتێ  ل هەولێرێ روورەش دکەین

پاک: ئەم کۆمکوژییا 1ێ شوباتێ  ل هەولێرێ روورەش دکەین

د 1ێ شوباتا 2004ێ دا ل ھەولێرێ د دەما پیرۆزباھیا جەژنێ دا ژ ئالیێ ئەنسار ئەل ئیسلامێ ڤە ئێریش پێک ھات و د ئەنجاما ئێریشێ دا زێدەتری 100 کەسان ژیانا خوە ژ دەست دان و 200 کەسێن ژ وان ژی بریندار بووبوون.

رۆژا 1ێ شوباتێ ل ھەولێرێ د ئەنجاما ئێریشێن ل سەر ئاڤاھیێن پەدەکێ و یەنەکێ دا بەرپرسێن بلند یێن ھەر دو پارتییان ژیانا خوە ژ دەست دان و بریندار بووبوون.

ئێریش د دەما پیرۆزباھییێن جەژنێ دا ھاتبوون کرن و د ناڤ کەسێن شەھید کەتی دا ئەندامێن پۆلیتبورۆیا پەدەکێ سامی عەبدولرەحمان و سەعید عەبدوللا، ئەندامێ کۆمیتەیا ناڤەندی یا پەدەکێ شەوکەت شێخ یەزدین، پارێزگەرێ ھەولێرێ ئەکرەم مەنتق و ئالیکارێ وی و د ھەمان دەمێ دا سەرۆکێ یەکتییا نڤیسکارێن کوردستانێ یێ شاخا ھەولێرێ مەھدی خۆشناو، قەیمەقامێ ناڤەندا ھەولێرێ ئەحمەد رۆژبەیانی، رێڤەبەرێ پۆلیسێن ھەولێرێ عەمید نەریمان و بەرپرسێ یەنەکێ یێ ھەولێرێ شاخەوان عەباد و گەلەک بەرپرسێن یەنەکێ ژیانا خوە ژ دەست دابوون.

ئەم د هەژدەمین سالڤەگەرا کۆمکوژییا 1ێ شوباتێ دا، بکوژ و پشتگرێن ڤێ کۆمکوژییێ روورەش دکەین، شەھیدێن ڤێ ئێریشێ و ھەموو شەھیدێن کوردستانێ بگرامی ببیر تینن.

1/2/2022 نڤیسینگەها چاپەمەنی و راگەھاندنێ یا پاکێ

پوستێن ھەمان بەش