ل باژارێ قامیشلۆیێ پەیامنێر، کامیرەمان و شۆفێرێ تیما رووداوێ یا کو نووچەیا ڤەشارتنا شەرڤانێن ھەسەدێ ل گۆرستانێ دشۆپاندن ھاتنە رەڤاندن. د ناڤا تیما رووداوێ دا پەیامنێر ڤیان فەتتاح، کامیرەمان عیسا حەسەن خەلەف و شۆفێرێ ترۆمبێلا وان عەبدوللا مەجدەل ھەبوون.
ل گۆرستانێ دەمژمێر 14:00 ێ، 6 ژنێن سەر ب ئاساییشا قامیشلۆ دا، رێیا ڤیان فەتتاح دگرن و گۆتنێن خەراب دبێژنە وێ. وێ دبەنە ناڤەندا ئاساییشا قامشلۆیێ لێ رێڤەبرێ ناڤەندێ لێبۆرینێ ژێ دخوازن.
ل گۆرستانێ 5 کەسێن کو جلکێن لەشکەری ل بەر وان بوون، عیسا حەسەن خەلەف و عەبدوللا مەجدەل ل ترۆمبێلا رووداوێ سوار دکەن و وان دەردخن دەرڤەیێ قامیشلۆیێ. ل ھەر دویان ددەن و گەفا ل وان دکەن.
ئێریشکا د ئێریشێ دا دەست داتینن سەر کامیرە، ئالاڤێن پەخشا زندی، بەلگە و ناسناما ڤیان فەتاح. پشتی کو سەربەست ھاتنە بەردان، کریارێن کەسێن ئەو رەڤاندینە دیار دبن.
تیما رووداوێ دچیتە ناڤەندا ئاساییشێ و سکالایێ تۆمار دکەت. وەزیفەدارێن ناڤەندێ سۆز ددەن کو دێ ئێریشکەران دەستەسەر کەن و ئالاڤێن رووداوێ بۆ وان ڤەگەرینن.
ل گۆر زانیاریێن تایبەت یێن پێگەها دارکا مازی کو ل رۆژئاڤایێ کوردستانێ ب دەست خستنە، تیما رووداوێ ژ ئالیێ گرۆپا ب ناڤێ “جوانێن شۆرەشگەر” کو رێخستنەکا سەر ب پەکەکێ یە و راستەراست بریارێن خوە ژ قەندیلێ وەردگریت هاتبوون رەڤاندن.
