پۆلیسێن تركیێ، ئیرۆ ب سه‌ر باره‌گه‌ها کۆمەلەیا مافێن مرۆڤان یا ل ئامەدێ دا گرت و د ناڤا ئاڤاهیێ دا دەست ب لێگەرینێ کرن.
ئیرۆ پێنجشەمبێ 3ێ سباتا 2022ێ، هەژمارەکا زێدە یا پۆلیسێن ترکیێ ب سەر باره‌گه‌ها كۆمه‌له‌یا مافێن مرۆڤان یا ل ئامەدێ دا گرتن کو ل ناڤچەیا یەنیشەهیرێ یە و د باره‌گه‌هێ دا دەست ب لێگەرینێ کرن.
ل گۆر ئاگاهییان، سەرداگرتنا ئیرۆ یا كۆمه‌له‌یا مافێن مرۆڤان، ژ ئەنجاما لێپرسینەکێ یه کو ژ ئالیێ فەرماندارییا جەندرمەیان یا پارێزگەها سەمسوورێ و به‌شا ئیستیخباراتێ یا سەردۆزگەرییا کۆماری یا سەمسوورێ، هاتییە دەست پێ کرن.
هات راگه‌هاندن، ب ئاوایەکی هەڤدەم ل گەل سەرداگرتنا ئۆفیسا شاخا ئامه‌دێ یا مافێن مرۆڤان، پۆلیسان ب سه‌ر مالا سكرتێرێ وێ «فەرهاد بەرکپنار» ژی دا گرتن و ل مالا وی ژی لێگەرین هاتییە کرن.
