چەکدارێن رێخستنا جوانێن شۆرەشگەر یا سەر ب پەکەکێ زارۆکەک ل باژارێ حەلەبێ رەڤاندن.
چاڤکانیێن پێگەها دارکا مازی ل رۆژئاڤا کوردستانێ ئیرۆ 5/2/2022 ئاشکەرا کر، چەکدارێن جوانێن شۆرەشگەر زارۆکەکی تەمەن 15 سالی یێ ب ناڤێ ئالان حاجی ئیبیش، ل پێش دەبستانا حەلیمەسەدیە یا ل تاخا شێخ مەقسودا حەلەبێ رەڤاندیە.
ل گۆر زایاریان، چەکدارێن سەر ب رێخستنا جوانێن شۆرەشگەر ئەو زارۆک ل رۆژا 10/1/2022یێ رەڤاندیە و بریە لەشکەرگەهەکا پەروەردێ یا پەکەکێ و پشتی پەروەردێ دێ وی کەنە چەکدار و دێ د شەرێن پەکەکێ دا وەکە ب هەزاران زارۆکێن دن دەنە کوشتن.
جوانێن شۆرەشگەر بەردەوام زارۆکان ل رۆژئاڤایێ کوردستانێ درەڤینیت و پشتی دەورەیێن پەروەردەیا لەشکری وان دشینیت قەندیلێ داکو ل وێ دەرێ وەکە گەریلا ژ بۆی پەکەکێ کار بکەن.
