رێڤەبەرییا خوەسەر یا رۆژاڤایێ کوردستانێ مۆهلەتا کاری ژ رووداوێ ستاند و کارێ وێ ل رۆژئاڤایێ کوردستانێ راوەستاند، رێڤهبهرییا خوهسهر ئهڤ بریار ب فهرمانا قهندیلێ گرتییه.
رێڤەبەرییا خوەسەر كو ب كونسهیا پهكهكێ یا رۆژئاڤا كوردستانێ تێ حهساب كرن، ئیرۆ راگههاند، «بریار هاتە ستاندن کو کارێ رووداوێ ل باکورێ رۆژهلاتێ سووریێ بهێته راوەستاندن».
ههروهها دیار كر، وان بریار دانە مۆهلەتا کار ژ رووداوێ بستینن و هەموو کارێ تۆرا مەدیایێ یا رووداوێ ل ناڤچەیێن ل ژێر دهستهلاتا رێڤهبهرییت خوەسەر راوەستینن.
د هەمان داخویانییا قەدەخەکرنێ دا رێڤەبەرییا خوەسەر دبێژیت: «باوەرییا مە ب ئازادیا مەدیایی هەیە، لێ رووداو د ناڤا پێکهاتەیێن جڤاکی دا کینێ بەلاڤ دکەت و ئەڤه دەمەکە رووداو ل دەرڤەیێ رێنمایان کار دکەت و پابەندی پرەنسیبێن کاری نابیت».
رێڤەبەرییا خوەسەر هەروهها ئیدیعا دکەت کو رووداو هەول ددەت وێنەیەکێ نە شیرین بدە دەزگەهێن رێڤەبەرییا خوەسەر.
هێژای گۆتنێ یه، ل سالا رابووی و ئیسال ژی، چهندین جاران رێخستنا پهكهكێ ئێریشێ تیمێن رووداوێ ل رۆژئاڤا كوردستانێ و شهنگالێ كرنه، ل سالا رابووری ژی ب فهرمانا جهمیل باییك یێ ههڤسهرۆكێ پهكهكێ ئۆفیسا رووداوێ ل رۆژئاڤا هاتبوو شهوتاندن.