د ئەنجاما تەقینا 2 بۆمبەیێن ژ پاشمایێن شەر دا ل گوندەوارێ حهسهكێ، زارۆکەکی ژیانا خوە ژ دەست دا و 4 زارۆکێن دن ژی بریندار بوون.
رەوانگەها سووری یا مافێن مرۆڤان بەلاڤ کر، ل گوندێ ئوم ئەل-کوبریێ ل باشوورێ حهسهكێ، د ئەنجام تەقینا بۆمبەیەکێ دا، زارۆکەکێ 7 سالی ژیانا خوە ژ دەست دا.
راگههاند ژی، ل گوندێ تل زێتر یێ ل چیایێ عەبدولعزیز یێ حهسهكێ ژی دەما زارۆکان پەزێ خوە دچهراندن، بۆمبەیەک تەقیا و د ئەنجامێ دا 4 زارۆک بریندار بوون.
ل گۆر زانیاریێن رەوانگەهێ، ژ دەستپێکا ئیسال ڤە ل سەرانسەری سووریێ 12 کەسان د ئەنجاما تەقینا بۆمبەیان دا ژیانا خوە ژ دەست دانە و 24 کەس ژی بریندار بوونە.
ل سووریێ و ژ بەر بەردەوامییا شەر و پەڤچوونان د ناڤبەرا ئالیێن جودا دا، مین و بۆمبە ب ئاوایەکی بەرفرەهـ ل جهێ جودا هاتنە ڤەدان، د ئەنجاما تەقینان وان پاشمایان دا، وەلاتیێن سڤیل دبنه قوربانی.
رێخستنێن مافێن مرۆڤان و چالاکڤانێن سووریێ ب بەردەوامی داخواز ژ ئالیێن ناڤدەولەتی یێن پهیوەندیدار دکهن، وان پاشمایان راکهن، ژ بەرکو گەفەک مەزنه ل سەر ژیانا وەلاتییان.