ل باکورێ کوردستانێ و ترکیێ ئیرۆ دوشەمبێ 7ێ سباتێ رۆژا داوی یا پێڤاژۆیا هلبژارتنا دهرسێن كوردی یه.
خوەندکارێن پۆلێن 4-5-6-7 دکارن ئیرۆ هاتا دەمژمێر 5ێ ئێڤارێ ژ لیستا دەرسێن بژاردە زمانێ کوردی هلبژێرن.
هەروهها ئەو خوەندکارێن کو نها د پۆلا 4ێ دا نە و دخوازن سالا بهێت د پۆلا 5 دا دەرسا زمانێ کوردی هلبژێرن، دڤێت ئیرۆ 7ێ سباتێ هەتا دەمژمێر 5 ئێڤارێ دەرسا خوە هلبژێرن.
ل گۆری سیستەما خوەندنێ یا دەرسا بژارتە، ئەگەر 10 خوەندکار داخوازا دەرسەکێ بکهن، پۆلەکا تایبەت دێ بۆ وان هێته ڤەکرن.
ل باکورێ کوردستانێ و ترکیێ پرۆسەیا هلبژارتنا دەرسێن بژاردە بەردەوامە و خوەندکار دکارن هەتا 7ێ سباتێ، دەرسێن شێوهزارێن کورمانجی و زازاکی یێن کوردی هلبژێرن.
د رۆژا 3ێ چلهیا ئیسال دا تۆمارکرنا ناڤان ژ بۆ هلبژارتنا وانەیێن بژاردە دەستپێ کر، ئەو دەم 21 رۆژ بوو لێ وەزارەتا پەروەردەیا ترکیێ رۆژا پێنجشەمبا 20 چلەیێ راگههاند، ژ بەر رەوشا نەباش یا سەقایێ، خوەندکار نکارن بچن دبستانان و ژ بەر ڤێ یەکێ بریار دان کو دەستنیشانکرنا دەرسێن بژاردە هەتا 7 سباتێ بهێته درێژ کرن.