ئەنجامێن دەستپێکی: چەند خوەندکاران دەرسا کوردی هه‌لبژارتن؟
ل ترکیێ و باکورێ کوردستانێ دەما تۆمارکرنا ناڤان ژ بۆ دەرسێن بژاردە دوهـی 7ێ سباتێ ب داوی بوو، ئەنجامێن دەستپێکی یێن تۆمار کرنێ ل دەرسا بژاردە یا کوردی هاتن راگه‌هاندن.
كه‌مپینا دەرسا هلبژارتی یا کوردی کو د 3ێ مه‌ها رابووری دا دەستپێ کربوو، هەتا 7ێ سباتێ بەردەوام کر و خوەندکارێن پۆلێن 4-5-6-7 د شیان دەرسێن ب زاراڤێن کورمانجی و زازاکی یێن کوردی هلبژێرن.
ئیسال ژ بۆ دەرسا هلبژارتی یا کوردی كه‌مپینه‌كا بەرفرەهـ هات كرن و گەلەک سیاسەتمەدار، تەڤگەر، پلاتفۆرم، وەشانخانە، رێخستنێن سڤیل، کەسایەتیێن باکورێ کوردستانێ و ترکیێ ژی بەشداری كه‌مپینێ بوون.
ل گۆری چاڤکانیێن کو زانیاری داینە رووداوێ، هەژمارا خوەندکارێن کو دەرسێن کوردی هلبژارتینە وه‌هانه:
ل دو دبستانێن ئاگریێ 588 زارۆکان ناڤێن خوە تۆمار کرنە
ل پێنج خواندنگه‌هێن ئێلهێ 1445 زارۆکان ناڤێن خوە تۆمار کرنە.
ل خواندنگه‌هه‌كا بەدلیسێ 32 زارۆکان ناڤێن خوە تۆمار کرنە.
ل 14 خواندنگه‌هێن ئامەدێ 3265 زارۆکان ناڤێن خوە تۆمار کرنە.
ل چار خواندنگه‌هێن جۆلەمێرگێ 1045 زارۆکان ناڤێن خوە تۆمار کرنە.
ل 11 خواندنگه‌هێن مێردینێ 2616 زارۆکان ناڤێن خوە تۆمار کرنە.
ل خواندنگه‌هه‌كا مێرسینێ 450 زارۆکان ناڤێن خوە تۆمار کرنە.
ل خواندنگه‌هه‌كا سێرتێ 335 زارۆکان ناڤێن خوە تۆمار کرنە.
ل دو خواندنگه‌هێن رهایێ 287 زارۆکان ناڤێن خوە تۆمار کرنە.
هەتا نها زێدەیی 10 هەزار کەسان سه‌ره‌دان بۆ تۆمار كرنا ناڤێن خوه كرنه.
ل گۆری زانیاریێن هەتا نها کەتنە دەستێ رووداوێ تەنێ ل 39 خواندنگه‌هان ب گشتی 10 هەزار و 63 خوەندکاران دەرسێن کوردی هلبژارتنە.
ل گۆری سیستەما خواندنێ یا دەرسا هلبژارتی یا ترکیێ، ئەگەر 10 خوەندەکار داخوازا دەرسەکێ بکه‌ن، پۆلەکە تایبەت بۆ وان دهێته ڤەکرن.
