ئیرۆ 9ێ شوباتا سالا 2022یێ، چالاکڤانێن رۆژئاڤایێ کوردستانێ هەوەکا پشتەڤانیێ ژ بۆی ھەردو رۆژنامەڤانێن ب ناڤێن سەبری فەخری و باوەر ئەحمەد کو ژ ئالیێ چەکدارێن پەیەدێ ڤە هاتینە دەستەسەرکرن دەست پێ کر.
چالاکڤانان ل سەر تۆرێن جڤاکی ھاشتاگەک بەلاڤ کر و تێ دا بانگا سەربەستبەردانا ھەردو رۆژنامەڤانان کر.
هاشتاگا چالاکڤانێن رۆژئاڤا ب ڤی رەنگی یە:
راگھاندن نە تاوانە
ئازادی بۆ باوەر و سەبری
ئازادی بۆ وان ژ زیندانێن پەیەدێ.
ئەڤە دەمەکە کو چەکدارێن پەیەدێ ل رۆژئاڤایێ کوردستانێ ژ بلی گرتن و ئیشکەنجەکرن و سڤکاتی کرن ب ئالیگر و ئەندامێن پارتیێن نە نێزیکی پەکەکێ، دەست ب گرتنا رۆژنامەڤان و سازیێن مەدیایی ل رۆژئاڤایێ کوردستانێ کریە.
چەکدارێن پەیەدێ رێ ب هیچ مەدیایەکا سەربخوە یان ژی مەدیایەکا پارتیەک دی ژ بلی پەکەکێ نادەن کو ل رۆژئاڤا کار بکەن.