فەرماندارێ ھێزێن سووریا دەمۆکراتیک (ھەسەدێ) مەزلووم عەبدی ل سەر چالاکبوونا رێخستنا داعشێ ل ناڤچەیێ ھشیاری دا و دیار کر کو دڤێت بلەز رێکارێن پێویست پێک بینن بەریا کو چەکدارێن داعشێ ھەژموونا خوە ڤەگەرینن.
مەزلووم عەبدی ژ بۆ ئاژانسا نووچەیان یا AP راگھاندیە: “مە چەندین جار گۆتیە کو ئەگەر ھەولدانێن خوە ژ بۆ رووبرووبوونا داعشێ زێدە نەکەن، ئەو دێ جاردەکا دن ھەژموونا خوە ڤەگەرینن و بھێز ببن.”
عەبدی ل خوە مکور ھاتیە کو بەرپرسیارتا ئێریشا خویناوی یا مەھا بۆری یا ل سەر گرتیگەھا خوێران یا ل حەسەکێ ل ستوویێ ھەسەدێ یە و گۆت: “ئەم د جێبەجێکرنا ئەرک و بەرپرسیاریا خوە دا خەمسار بوون، ژبەرکو زانیاریێن مەیێن ئیستخباراتێ ھەبوون کو نیەتا وان یا ئەنجامدانا ئێریشێ ھەیە، مە چەند رێکار ژی پێک ئانین، لێ پشترا مە شکەست خوار.”
