نڤیسکار ئەحمەد تاکان، د نڤیسا خوە یا بالکێش دا کو د رۆژنامەیا “korkusuz”دا بەلاڤ کرییە، گۆتنا سەرۆک کۆمارێ ترکیێ و سەرۆکێ گشتی یێ ئاکەپێ رەجەب تەییب ئەردۆگان یا تێدا گۆتی “ئەوێ ل ئەدرنەیێ دێ باجەکا مەزن دەتە یێ ل ئیمرالیێ” ب بیر خست و گۆت، “ل ئیمرالیا کو عەڤدلا ئۆجالان تێدا کەیفا خوە دکەت ترافیک زێدە بوویە.”
بەشە گۆتارا تاکان یا پەیوەندیدار ب ڤێ یەکێ ڤە وەھایە:
“وەرن ئەم ھەفتەیا بۆری ب زانیاریێن پشت پەردێ یێن گرنگ ب داوی بکەین. بلا گەشەدانێن پشتی گۆتنێن سەرۆکێ گشتی یێ ئاکەپێ ئەردۆگان یێن تێ دا راگهاندی “ئەوێ ل ئەدرنەیێ دێ باجەکا مەزن دەتە یێ ل ئیمرالیێ” کو ژ مەھا بۆری و هێرڤە د رۆژەڤێ دایە، زەلال بکەین!
ل گۆری انیاریێن کوور یێن پشت پەردەیێ یێن ل ئەنقەرەیێ دا دھاتنە ئاخافتن، ل ئیمرالیا کو عەڤدلا ئۆجالان تێدا کێفا خوە دکەت، ترافیک زێدە بوویە… نامەیەکا نوو د رێ دا یە کو ل نەورۆزێ دێ هێتە خواندن. ھات ئیدیعاکرن کو ڤێ جارێ پارێزەرێن وی دێ نامەیا ئۆجالان خوینن. کا ئەم بنێرین ڤێ جارێ دێ چ ژ نامەیێ دەرکەڤیت… ئۆجالان دێ چەند شێت بەرسڤا داخوازان دەت و داخوازیێن وی یێن نوو دێ چ بن؟
