چەکدارێن پەکەکێ کو ب ھەماھەنگی و ھەڤکاریا میلیشیاتێن حەشدا شەعبی ل شنگالێ بجیھ بوونە دخواستن گەلەک وێنە و پرتووکێن عەڤدلا ئۆجالان ل شەنگالێ بەلاڤ بکەن لێ ژ ئالیێ ئارتێشا ئیراقێ ڤە رێگری ل وان هاتە کرن.
ئارتێشا ئیراقێ ئەو ستاندێ ژ ئالیێ چەکدارێن پەکەکێ ڤە ھاتبوو دانان راکر و وێنەیێن ئۆجالان یێن کو ھاتبوونە دالقاندن ژی ھەموو کۆم کرن و ئەو چالاکی بەلاڤ کر.
د گرتە ڤیدەۆیا کو د تۆرێن جڤاکی دا بەلاڤ بوویە دا ژی دیار دبیت، فەرماندارێ فرقەیا 20 یا ئارتێشا ئیراقێ لیوا روکن ئەسیر روبەیعی، گەفا ل چەکدارێن پەکەکێ دکەت و بەھسا سزایێن ھەری توند دکەت.
لیوا روکن ئەسیر روبەیعی ئالایێ ئیراقێ ل جیھێ وێنەیێ عەڤدلا ئۆجالان دالقاند و راگەھاند: ئەو کەسێ ئالایێ ئیراقێ ژ ڤێ دەرێ راکەت و وێنەیێن تەرۆریستەکێ دانیت، ئەز دێ ل ھەمان جیھ وی ب دارڤە کەم.
