ئارتێشا ترکیێ ل دێرسمێ دەست ب ئۆپەراسیۆنەکا نوو کر

ئارتێشا تركیێ ئیرۆ ل سینۆرێ پارێزگەها دێرسمێ، ل دژی گەریلایێن په‌كه‌كێ دەست ب ئۆپەراسیۆنەکا نوو یا ب ناڤێ «ئەرەن زڤستان-23» کر.

ل گۆر داخویانیەکێ کو ئیرۆ شەمبیێ 12 سباتا 2022ێ ژ ئالیێ وەزارەتا ناڤخوە یا ترکیێ ڤە هاتییە بەلاڤ کرن، ئۆپەراسیۆنا ب ناڤێ «ئەرەن زڤستان-23» ڤێ سپێدێ ب بەشداربوونا هەزار و 62 چەکدارێن هێزێن سەر ب فەرماندارییا جەندرمە، پۆلیسێن تایبەت، کۆماندۆ و جەردەڤانان دەستپێ کرییە.

وەزارەتا ناڤخوە یا ترکیێ دوهی 11 سباتا 2022ێ ژی دیار کربوو کو ل پارێزگەها ئامەدێ یا باکورێ کوردستانێ ئۆپەراسیۆنا ب ناڤێ «ئەرەن زڤستان-22» داییە دەستپێکرن.

ب هاتنا دەمسالا زڤستانێ ل ناڤ ترکیێ ئۆپەراسیۆنێن «ئەرەن زڤستان» ل دژی گەریلایێن په‌كه‌كێ دەستپێ کرنە، ئۆپەراسیۆنا «ئەرەن زڤستان-1» رۆژا 9ێ جۆتمەها 2021ێ ل دەڤەرا بەستا سینۆرێ پارێزگەها شرنەخێ دەستپێ کربوو کو و هه‌تا نها ئه‌ڤ ئۆپه‌راسیۆن گه‌هشتییه‌ قۆناغا 23ێ.