ب وێنه‌ – په‌كه‌كه‌ ل سه‌ر ره‌ڤاندن و چه‌كداركرنا زارۆكان به‌رده‌وامه‌

كه‌نالا كوردستان 24 نووترین وێنه‌یێن وان زارۆكان به‌لاڤ كرنه‌ یێن كو ژ هێلا رێخستنا په‌كه‌كێ ڤه‌ هاتنه‌ ره‌ڤاندن و چه‌كدار كرن.

كه‌نالا كوردستان 24 ئیرۆ رۆژا شه‌مبی 12/2/2022ێ 54 وێنه‌یێن وان زارۆكان به‌لاڤ كرنه‌ یێن كو ل ڤێ داویێ ژ هێلا رێخستنا په‌كه‌كێ ڤه‌ ژ رۆژئاڤا، باكور و باشوورێ كوردستانێ ره‌ڤاندنه‌ و ب دارێ زۆرێ ئه‌و چه‌كدار كرنه‌.

كه‌نالا كوردستان 24 ئه‌شكه‌ره‌ كر كو ئه‌ڤ وێنه‌ ژ چاڤكانیه‌كه‌ تایبه‌ت ژ بۆی وان هاتنه‌ شاندن و ژ بۆ كو خه‌ته‌ری نه‌كه‌ڤه‌ سه‌ر ژیانا وی، ناڤێ وی پاراستی ل جه‌م خوه‌ هشتییه‌.

ل گۆری كه‌نالا كوردستان 24ێ، پرانییا ڤان زارۆكان د ته‌مه‌نا 12 – 13 سالیێ ده‌ نه‌ و ژ رۆژئاڤا كوردستانێ، باكورێ كوردستانێ و شه‌نگالێ هاتنه‌ ره‌ڤاندن و ژ بۆی قه‌ندیلێ و ناڤچه‌یێن ژێر ده‌ستێ په‌كه‌كێ هاتنه‌ برن.

رێخستنا په‌كه‌كێ ب رێیا رێخستنێن خوه‌ پرانییا ڤان زارۆكان ب رێیا سۆسیال مه‌دیایێ پێوه‌ندی ب ڤان زارۆكان كرنه‌ و ئه‌و ب خاپاندنه‌ و پشتره‌ ره‌ڤاندنه‌.