ئارتێشا تركیێ ئیرۆ ل پارێزگەها سێرتێ یا باکورێ کوردستانێ ئۆپه‌راسیۆنه‌كا نوو ب ناڤێ «ئه‌ره‌ن زڤستان 24» ل دژی گه‌ریلایێن په‌كه‌كێ، ده‌ست پێ كر و ب سه‌دان عه‌سكه‌ر و جه‌ندرمه تێدا به‌شدارن.
ل گۆری به‌یانه‌كا وه‌زاره‌تا ناڤخوه یا تركیێ، ئیرۆ رۆژا یه‌كشه‌مبی 13\2\2022ێ ئۆپه‌راسیۆنا ئه‌ره‌ن زڤستان 24 ل پارێزگه‌ها سێرتێ یا باكورێ كوردستانێ ل دژی رێخستنا په‌كه‌كێ ده‌ست پێ كرییه و 545 چەکدارێن سەر ب هێزێن ئەمنی، فەرمانداریا هێزێن جەندرمە و جەردەڤانان، تێدا به‌شدارن.
ئۆپه‌راسیۆنێ سەرێ سپێده‌هییا ئیرۆ ده‌ست پێ كر و ئه‌ڤ ئۆپه‌راسیۆن هه‌موه‌ختا ئۆپه‌راسیۆنێن ئه‌ره‌ن زڤستان 23 و 22 كو دوهـی و هه‌روه‌ها دو رۆژان به‌رێ ل پارێزگه‌هێن ئامه‌د و دێرسمێ یێن باكورێ كوردستانێ هاتنه ده‌ست پێ كرن.
