ئایھان بلگەن پارلەمەنتەر و بەردەڤکێ ھەدەپێ و سەرۆکێ بەرێ یێ شەرەداریا قەرسێ، دەما دەست ژ کارکێشانا خوە ژ ھەدەپێ راگهاندی و د مەدیایێ دا سەدەما دەست ژ کار بەردانا خوە خویاکری گۆتوبێژەکا نوو دەستپێکر.
بلگەن نھا ھەولددەت پارتیەکا نوو ئاڤا بکەت. ژ بەر ڤێ یەکێ د مەدیایا جڤاکی دا ھندەک لایەنگرێن ھەدەپێ گەلەک رەخنەیێن توند ل ئایھان بلگەن دگرن و دبێژن : ژ بەر کو بلگەن نەبوو ھەڤسەرۆکێ ھەدەپێ ژ پارتیێ ڤەقەتیا…
ئایھان بلگەن د دەربارێ رەخنەیێن لێ تێنە کرن دا، ژ بۆ رۆژنەمەیا مللیەتێ ئاخڤت. بلگەن دبێژیت کو، د دەربارێ من دا کامپانیایەک ھاتیە ڤەکرن. ھەروەھا بەحسا بوویەرا رۆبۆسکیێ ژی دکەت و دبێژیت: “ھەدەپە ژ بەر ‘پێڤاژۆیا چارەسەریێ’ پەردەیەک کێشا سەر بوویەرا رۆبسکێ و ئەو بوویەر نخوماند.
بلگەن دبێژیت کو، ئەگەر کامپانیا ل دژێ من بەردەوام بیت، ئەز دێ زانیاریێن گەلەک گرنگ بەلاڤ کەم. بلگەن دبێژیت: د دو کۆنگرەیان دا تەکلیف ژ من هاتە کرن کو ئەز ببمە ھەڤسەرۆک، لێ د پشت پەردەیان دا تشتێن دی هاتنە کرن. لێ بەلێ ددەنە خویاکرن کو من داخواز کریە ئەز ببمە ھەڤسەرۆک. ئەگەر د ڤێ دەربارێ دا ئەز بێمە تاوانبار کرن، ئەز دێ ھەر تشتێ کو روودایێ ب زەلالی ئاشکەرا کەم. بلا من ناچار نەکەن ئەز نڤیسێن کو ژ کۆمیتەیا رەڤەبەر ھاتنە ئاشکەرا بکەم.
