بارۆیا دیاربەکرێ، کۆمەلەیا مافێن مرۆڤان یا دیاربەکرێ و کۆمەلەیا یاساناسێن ئازاد ب داخویانیەکا ھەڤپار راگھاندن، د لێکۆلینێن کۆمسیۆنێن گرتیگەھان دا ئاشکەرا بوویە ل گرتیان ئێشکەنجە و سەرەدەریێن خراب تێنە کرن و د دەرحەقێ بەرپرسێن گرتیگەھاندا سکالا تۆمار کرینە.
ل سەر ناڤێ یاساناس و مافپارێزان ئەندامێ کۆمسیۆنا یاسایی یا گرتیگەھان شەمدین شاھین، داخویانی دا و گۆت، ل سەر سکالایێن کو ئێشکەنجە تێنە کرن، وەک کۆمسیۆنا یاسایی ل گرتیگەھان سەردانا گرتیان کرنە و ھەم د بەیانێن گرتیان دا، ھەم ژی شینوارێن ئێشکەنجەیان کو ل سەر لاشێ وان ھاتنە دیتن، دیار بوویە کو ئێشکەنجە و سەرەدەرییێن خراب تێنە کرن. پشتی وێ راپۆرا گرتیگەھان ژی د دەرحەقێ رێڤەبرێن گرتیگەھێن کو ئێشکەنجە ھاتنە کرن دا ژی سکالا هاتینە تۆمار کرن.
داخواز ھات کرن کو د دەرحەقێ کەسێن رێ دانە ئێشکەنجە بێنە کرن و ئێشکەنجە کرنە دا لێپرسینەکا کاریگەر و لەزگین بهێتە مەشاندن و ھەتا کو دۆز ب داوی دهێت ژی ئەو کەس ژ کاری بێن دوورخستن.
