ھاتە راگھاندن کو 3 بالافرێن شەری یێن رووسیایێ کو خواستن دەرباسی ھەرێما ھەڤپەیمانیا ناڤدەولەتی یا دژی داعشێ یا ل ئاسمانێ رۆژئاڤایێ کوردستانێ ببن، ژ ئالیێ بالافرێن شەری یێن ئامەریکایێ ڤە رێگری ل وان ھات کرن و ژ دەڤەرێ ھاتن دوورخستن.
ل گۆری مەدیا ئامەریکایێ کو ب زارێ دو بەرپرسێن ئامەریکی یێن نەخواستنە ناڤێ وان بهێتە ئاشکەراکرن بەلاڤ کریە، 3 بالەفرێن لەشکەری یێن رووسیایێ کو ژ بالافرەکا کارگۆ و دو بالافرێن شەری یێن بۆمبەهاڤێژ پێک دھاتن، بێیی چ ئاگاھداریەکا پێشوەخت ل سەر ئاسمانێ ئیراقێ ڤە دەرباسی ئاسمانێ رۆژئاڤایێ کوردستانێ بوونە کو ئەو ھەرێم د بن کۆنترۆلا رێڤەبەریا خوەسەرا باکور رۆژھلاتێ سووریێ و ھێزێن سووریەیا دەمۆکراتیک (ھەسەدێ) دایە.
مەدیا ئامەریکی ب زارێ ھەردو بەرپرسان دایە خویاکرن، پشتی دەرباسبوونا بالافرێن رووسییا بۆ ناڤ ئاسمانێ رۆژئاڤایێ کوردستانێ و رۆژھلاتێ سووریێ، بالافرێن شەری یێن ئامەریکایێ ل ئاسمانێ ھەرێمێ فریانە و بالافرێن رووسی نەچار کرنە پاشڤە ڤەگەرن.
رووسیا وان ئیدیعایان رەد دکەت و وەک تۆھمەت ب ناڤ دکەت و دبێژیت، ھێزێن وێ د ناڤ ئاخا خوە دا مژوولی راھێنان و مانۆڤرێن سەربازی نە.
