ل پارێزگەها ئەرزەرۆمێ یا باکورێ کوردستانێ 8 کەس ب سووچا هاریكاری و «پرۆپاگاندەیا په‌كه‌كێ» هاتن دەستەسەر کرن.
ل گۆر زانیارییان فەرماندارییا جەندەرمەیان یا ئەرزەرۆمێ ب سووچا کو هاریكارییا ئەندامێن په‌كه‌كێ كرنه و ل سەر تۆرێن جڤاکی پرۆپاگاندەیا رێخستنێ کرنە ل ناڤچەیێن گۆگسی، تاتۆس و کۆپروکۆ یا سەر ب پارێزگەها ئەرزەرۆمێ، ئۆپەراسیۆنێن هەموەخت ئه‌نجام دان.
د چارچۆڤەیا ئۆپەراسیۆنێ دا تیمێن جەندەرمەیان ل 3 ناڤچەیێن هەڤدەم ب سه‌ر مالان دا گرتن و 8 کەس دەستەسەر کرن.
هات راگه‌هاندن کو کەسێن دەستەسەر کری بۆ فەرماندارییا جەندەرمەیان یا ئەرزەرۆمێ هاتنە برن و لێکۆلینێن دەربارێ وان دا بەردەوامن.
د ڤان دەمێن دەمێن داویێ دا ل هەژمارەکا پارێزگەهێن ترکیێ و باکورێ کوردستانێ ب سووچا ئەندامه‌تی و پرۆپاگاندایا په‌كه‌كێ گەلەک ئەندام و رێڤەبەرێن پارتییا دەمۆکراتیک یا گەلان هه‌ده‌پێ هاتن دەستەسەر کرن.
ئەڤه د دەمەکێ دا یە ل 15یی سباتا 2022ێ ژی ل پارێزگەها ئامەدێ 27 کەس ب سووچا پرۆپاگاندایا په‌كه‌كێ هاتبوون دەستەسەر کرن.
