رۆژا دویەما کۆنفەرانسا ئاساییشێ یا مونشنێ ب بەشداريیا سەرۆکێ هەرێما کوردستانێ نێچیرڤان بارزانی و سەرۆکوەزیرێ هەرێما کوردستانێ مەسروور بارزانی بەردەوام دبە و بریارە ژی ئیرۆ ل پەراویزا کۆنفەرانسێ، مەسروور بارزانی هەژمارەک ژ جڤین و هەڤدیتنان ب سەرکردە و بەرپرسێن پلەبلندێن جیهانێ بکە.
د وان هەڤدیتنان دە، ژ بلی پێوەندیێن دوئالی و پێشخستنا پێوەندیێن هەرێما کوردستانێ ل گەل وەلاتێن ناڤچە و جیهانێ، سەرۆکوەزیر مەسروور بارزانی بەحسا پرسێن گرێدایی ب ئەولەهیێ و رووبرووبوونا تەرۆرێ و هەولێن ناڤدەولەتی یێن ژ بۆ تێکشکاندنا تەرۆرێ ل ئيراقێ دکە.
دوهی 18ێ سباتا 2022ێ، سەرۆکوەزیرێ هەرێما کوردستانێ مەسروور بارزانی و سەرۆکێ هەرێما کوردستانێ ل مونشنێ ل گەل سەکرەتەرێ گشتی یێ نەتەوەیێن یەکبوویی ئانتۆنیۆ گوتەڕێس جڤیان و داوی پێشهاتێن رەوشا سیاسی یا ئیراقێ گوفتووگۆ کرن.
هەر ل پەراویزا رۆژا یەکەما کۆنفەرانسا ئاساییشێ، سەرۆکوەزیرێ هەرێما کوردستانێ مەسروور بارزانی ل گەل وەزیرێ بەرەڤانی یێ ئیتالیایێ جڤیا.
هەروها سەرۆکوەزیرێ هەرێما کوردستانێ مەسروور بارزانی ل مونشنێ ل گەل وەزیرێ بەرەڤانی یێ ترکیێ خولوسی ئاکار جڤیا. د جڤینێ دە ل سەر رەوشا ئیراق و پێوەندیێن هەرێما کوردستانێ و ترکیێ گۆتووبێژ هات کرن.
کۆنفەرانسا ئاساییشێ یا مونشنێ دوهی 18ێ سباتا 2022ان ب بەشدارییا سەرۆکێ هەرێما کوردستانێ نێچیرڤان بارزانی، سەرۆکوەزیرێ هەرێما کوردستانێ مەسروور بارزانی و هەژمارەک ژ سەرۆک و بەرپرسێن پلەبلندێن وەلاتێن جیهانێ دەست پێ کر.
