ئۆفیسا رزگارکرنا کوردێن ئێزدی یێن رەڤاندی کو سەر ب حکوومەتا ھەرێما کوردستانێ یە، ھەژمارا داوی و ئامارێن تایبەتێن دەربارێ کوردێن ئێزدی یێن رەڤاندی ئاشکەرا کر.
ئیرۆ 22/2/2022یێ ئۆفیسا رەڤاندیێن ئێزدی د بەیانامەیەکێ دا راگەھاند: ئەڤ ئامار و ھەژمارا تایبەتا دەربارێ کوردێن ئێزدی یێن هاتیە رەڤاندن ژ ئالیێ رێخستنا تەرۆریستی یا داعشێ ڤە و پشترا هاتینە ئازادکرن، ژ ئالیێ نەتەوێن یەکبوویی ڤە جیھێ باوەریێ نە.
ئامار و ھەژمار:
-ھەژمارا کوردێن ئێزدی بەرێ نێزیکی 550 ھەزار کەسان بوون
– نێزیکی 360 ھەزار کوردێن ئێزدی ژ بەر ئێریشا ھۆڤانەیا داعشێ کۆچبەر بوون.
– نێزیکی 150 ھەزار کۆچبەرێن کوردێن ئێزدی ڤەگەریان شنگالێ
– ھەزار و 293 کوردێن ئێزدی ژ دەستپێکا ئێریشێن داعشێ دا ژیانا خوە ژ دەست دان.
– 2 ھەزار و 745 زارۆکێن کوردێن ئێزدی بێ باب مانە.
– ھەتا ناھا 82 گۆرێن ب کۆم یێن کوردێن ئێزدی ھاتنە دیتن.
– چەکدارێن داعشێ 68 مەزارێن ئۆلی یێن کوردێن ئێزدی تەقاندنە.
– زێدەتر ژ 100 ھەزار کوردێن ئێزدی کۆچبەر و پەنابەرێ وەلاتان بوون.
– 6 ھەزار و 417 کوردێن ئێزدی ژ ئالیێ چەکدارێن داعشێ ڤە ھاتن رەڤاندن.
– 3 ھەزارو و 548 ژ وان زلام و خۆرت بوون.
– 2 ھەزار و 869 ژ وان ژی ژن و کەچ بوون.
– ھەتا نھا 3 ھەزار و 552 کوردێن ئێزدی یێن رەڤاندی ھاتینە رزگار کرن، کو ژ وان ھەزار و 207 کەس زەلامن، 339 کەس ژ وان ژنن، ھەزار و 50 کەس ژ وان زارۆکێن کور بوون، 956 ژ وان ژی زارۆکێن کەچ بوون.
– تەرمێ 146 کوردێن ئێزدی یێن رەڤاندی ھاتنە دیتن.
– ھەتا ناھا 2 ھەزار و 719 کوردێن ئێزدی یێن رەڤاندی مانە و نەھاتنە رزگار کرن کو ئەو ژی ھەزار و 274 ژ وان زەلامن، ھەزار و 445 کەس ژ وان ژی ژن و کەچن.