رێخستنا پهكهكێ، پشتگری ژ بۆی بریارا دادگهها فهدهرال یا «نهمهشرووعیهتا دۆسیایا نهفت و غازێ» یا ههرێما باشوورێ كوردستانێ دیار كر.
رێخستنا پهكهكێ، ب رێیا «تهڤگهرا ئازادی» رۆژا یهكشهمی 21/2/2022ێ داخویانی ل دهربارێ بریارا دادگهها فهدهرال داییه، تهڤی كو تێده پشتگری ژ بۆی ڤێ بریارا ل دژی ستاتۆیا ههرێما كوردستانێ نیشان داییه، جارهكه دن ب ئاوایهكی بێئهخلاق ئێریشی حكوومهتا ههرێمێ كرییه و توهمهتێن بێ بنگههـ ژ بۆی چێكرنه.
تهڤگهرا ئازادی د داخویانییا خوه ده، مینا «جاش پارلمهنتهرێن» كورد ئاخڤی یه و گۆتییه كریزا كو وێ ل پهی بریارا دادگهها فهدهرال دهركهڤه هۆلێ، زرارا وێ نه ژ بۆی گهله، لێ بهلێ ژ بۆی دهستهلاتدارێن رێڤهبهرییا باشوورێ كوردستانێ یه، ئانكو ههگهر ئهڤ داخویانییا «تهڤگهرا ئازادی» ب دیقهت بێ خوهندن، جوداهییا وێ ل گهل داخویانیێن جاش پارلمهنتهران تونه، ههردو ب عهینی زمانێ دژایهتیێ ههڤ دگرن.
تهڤگهرا ئازادی پر ب زهلالی د داخویانیێ ده گۆتییه كو بریارا دادگهها فهدهرال یا ئیراقێ، دهستووری یه و پێویسته ههرێما كوردستانی پابهندی ڤێ بریارێ ببه.
پهكهكێ چما پشتگری دا بریارا دادگهها فهدهرال و ئیرانێ ژ بۆی چ خولێن پهروهردێ بۆ مهدیاكاران ل سلێمانیێ چێكرنه؟
ژ دهستپێكا ههولێن ئاڤاكرنا حكوومهتا نوو یا ئیراقێ و ژ بۆ ئاستهنگكرنا پهیمانا «سهدری – سونی – كوردی» ئیران كهتییه ناڤا ههولێن مهزن ده، «حهشدا شهعبی، یهنهكه و پهكهكه» ژ بۆی ڤێ ئارمانجا ئیرانێ خهباتێن پر مهزن د دو مههێن رابووری ده مهشاندن، بریارا دادگهها فهدهرال ژی ههر د ڤێ چارچووڤێ ده هاتییه دایین و ب قهلهمهك فارسی هاتییه ئیمزه كرن.
ژ پاش دهركهتنا بریارا دادگهها فهدهرال، ئیرانێ خولێن پهروهردێ ژبۆ 30 رۆژنامهڤانان ل سلێمانیێ چێكر، ئارمانج ژێ جوان نیشاندانا بریارێ یه، ب ئاوایهكی كو د سۆسیال مهدیایێ ده ووسا وهره نیشان دان كو ئهڤ بریار ژ بۆی گهل باشه و ژ بۆی حكوومهتا باشوور خهرابه.
تهڤگهرا ئازادی سهدهما كو دادگهها فهدهرال بریارهكا ووسا بده، ئاڤێتییه سهر نێچیرڤان بارزانی سهرۆكێ ههرێما كوردستانێ و پهیمانا 50 سالی یا كو ب تركیێ ره ئیمزه كری، لێ بهلێ گهلێ باشوور ب تهڤاهی دزانه كو نێچیرڤان بارزانی ب ڤێ پهیمانێ نههشت كریزا دارایی باندۆرهكه ووسا مهزن ل گهل بكه، وهختا كو حكوومهتا ئیراقێ ل سهر داخوازییا ههڤپهیمانێن پهكهكێ یێن باشوور، مووچهیا وهزیفهدارێن كوردستانێ قوت كری.
رێخستنا پهكهكێ ئیرۆ جارهكه دن هاتییه و دژایهتییا خوه ژ بۆی ههرێما كوردستانێ پڕ ب روو قایمی ئیلان كر و پشتگری دایه بریارا دادگهها فهدهرال یا كو راست راست ستاتۆ و سهروهرییا كوردستانێ و گهلێ وێ ههدهف دكه، پهكهكه ل دهمهكی سووچ ئاڤێتییه سهر نێچیرڤان بارزانی و پهیمانا 50 سالی یا كو ب تركیێ ره ئیمزه كری، ل دهمهكێ ئهوێ دهڤ ژ كوردستانێ بهرداییه و نها ژ بۆی «براتییا ب تركان» ره تهڤ دگهره.
رێخستنا پهكهكێ، ل كو دهرا دهنگهك ل دژی ههرێما باشوور ههبه، پشتگریێ لێ دكه و لێ خوهدی دهردكهڤه، پهكهكه كو ههر كوردهك دزانه ژ بۆی چ خهباتێ دكه و ب تو ئاوایی وێ دهڤ ژ كورد و كوردستانێ بهرداییه و نها بانگا «براتییا ب داگیركهران» ره دكه، ئیرۆ هاتییه ل باشوورێ كوردستانێ تهنێ ئاستهنگییان ژ بۆی گهل و حكوومهتا ڤێ پهرچهیا ئازاد چێدكه.