رێخستنا په‌كه‌كێ ناسنامه‌یا 3 گه‌ریلایێن خوه ئه‌شكه‌ره كر یێك ژێ زارۆكه كو به‌رییا 4 سالان دانه كوشتن و ژ نوو هاتییه مرنا وان ئیلان كرییه.
رێخستنا په‌كه‌كێ جاره‌كه دن ناسنامه‌یا هنه‌ك گه‌ریلایێن خوه ئه‌شكه‌ره كر كو ل سالا 2018ێ ب ده‌ستێ عه‌سكه‌رێ ترك ل باكورێ كوردستانێ دانه كوشتن و پاش ده‌رباسبوونا 4 سالان ژ نوو شه‌هاده‌تا وان راگهاندییه.
رێخستنا په‌كه‌كێ هه‌ر ل ناڤبه‌را چه‌ند رۆژان، ناسنامه‌یا هه‌ژماره‌ك گه‌ریلایێن خوه ئیلان دكه یێن كو به‌رییا چه‌ندین سالان وان فه‌دا دكه، پرانی ژێ زارۆكن.
رێخستنا په‌كه‌كێ ژ بۆ چێكرنا شه‌رڤانان، پشت به‌ستنێ ل سه‌ر ره‌ڤاندنا زارۆكێن كوردان ژ هه‌ر چار په‌رچه‌یێن كوردستانێ دكه، ئه‌ڤ یێك ژی ژ هێلا رێخستنێن ناڤده‌وله‌تی و یێن پاراستنا مافێن زارۆكان هاتییه ته‌سبیت كرن.
په‌كه‌كه هه‌ر جار تام ئاگاهییان ل ده‌ربارێ گه‌ریلایێن ژیانا خوه ژ ده‌ست دایی ئیلان دكه، لێ به‌لێ تو ئاماژه ب ته‌مه‌نا وان ناكه، ژ بۆ كو جینایه‌تا ره‌ڤاندنا زارۆكان ل سه‌ر وێ ته‌سبیت نه‌به.
