فرۆکەیەکا بێ فرۆكه‌ڤان یا ترکیێ ترومبێله‌ك ل سەر رێیا قامیشلۆ – عاموودێ بۆمبەباران کر و د ئەنجامێ دا 4 کەس بریندار بوون.
چالاکڤانێن قامیشلۆ بەلاڤ کرن، فرۆکەیەکا بێ فرۆكه‌ڤان یا ترکیێ ترومبێله‌ك ل سەر رێیا قامیشلۆ – عاموودێ بۆمبەباران کر و د ئەنجامێ دا 3 ژن و کەسەکێ دی بریندار بوون.
دیار کرن، ئەو کەسێن بریندار ژ بۆ نەخوەشخانەیا باژارێ قامیشلۆ هاتن ڤەگوهاستن.
كه‌سێن بریندار ناڤێن وان ئه‌ڤه‌نه:
دالیا شێخمۆس – رۆزا حه‌مۆ – مه‌نیفه حه‌میدی – له‌زكین عابد.
دوهی فرۆکەیێن بێ فرۆكه‌ڤان یێن ترکیێ خالەکا لەشکەری یا هەڤبەش یا هێزێن رژێما سووریێ و ئه‌نجوومه‌نا لەشکەری یا منبجێ ل گوندەوارێ منبجێ بۆمبەباران کربوو و 2 ئەندامێن هێزێن رژێمێ بریندار ببوون.
