رێخستنا په‌كه‌كێ ئیرۆ ناسنامه‌یا 4 جوانێن دن یێن كورد ئه‌شكه‌ره كر كو 5 سالان به‌رێ ب ده‌ستێ ئارتێشا ترك دانه كوشتن و ژ نوو ئیرۆ هاتییه ناڤێن وان ئه‌شكه‌ره كرنه.
هه‌په‌گێ ئیرۆ رۆژا شه‌می 26/2/2022ێ ناسنامه‌یا 4 گه‌ریلایێن خوه ئه‌شكه‌ره كر كو ل سینۆرێ قه‌رسێ یا باكورێ كوردستانێ ل سالا 2017ێ ژیانا خوه ژ ده‌ست دانه و ژ نوو ئیرۆ و پاش ده‌رباسبوونا 5 سالان هاتییه گۆتییه هه‌ڤالێن مه شه‌هیدبوونه.
په‌كه‌كه هه‌ر ل ناڤبه‌را 2 هه‌یا 3 رۆژان، ناڤ و ناسنامه‌یێن كۆمێن جوان و زارۆكێن كوردان ئه‌شكه‌ره دكه یێن كو د سالێن به‌رێ دا ب ده‌ستێ ئارتێشا ترك دانه كوشتن.
په‌كه‌كه تام ئاگاهییان ل سه‌ر وان ئه‌شكه‌ره دكه، لێ به‌لێ ب تو ئاوای به‌حس ل ته‌مه‌نا وان ناكه، ژ بۆ كو ته‌وانا ره‌ڤاندن و چه‌كدار كرنا زارۆكان ل سه‌ر وێ ته‌سبیت نه‌به.
رێخستنا په‌كه‌كێ ژ بۆ چێكرنا شه‌رڤانان، پشت به‌ستنێ ل سه‌ر ره‌ڤاندنا زارۆكێن كوردان ژ هه‌ر چار په‌رچه‌یێن كوردستانێ دكه، ئه‌ڤ یێك ژی ژ هێلا رێخستنێن ناڤده‌وله‌تی و یێن پاراستنا مافێن زارۆكان هاتییه ته‌سبیت كرن.
