ترکیێ ل شەڤا ده‌رباسبوویی گوندێ هرۆرێ ل ناحیا کانی ماسێ سەر ب پارێزگەها دهۆکێ ڤە تۆپباران کر، گوللـه‌تۆپه‌ك ب مالا وه‌لاتییه‌كی كه‌تییه.
ئارتێشا تركیێ ل شه‌ڤا ده‌رباسبوویی لڤ و ته‌ڤگه‌را چه‌كدارێن په‌كه‌كێ ل گوندێ هرۆرێ گرێدایی ناحیا كانی ماسێ كرن ئارمانج و د ئه‌نجامێ دا گوللـه تۆپه‌ك ب مالا وه‌لاتییه‌كێ گوندێ كه‌تییه و زرارێن مه‌زن ب مالێ كه‌تنه.
ل گۆری كه‌نالا كوردستان24ێ، گوللـه تۆپه‌ك ب مالا وه‌لاتیێ ب ناڤێ ئه‌مین هرۆری كه‌تییه، لێ به‌لێ چ زرارێن گیانی نه‌بوونه و ته‌نێ زرار ب مالێ كه‌تنه.
رێخستنا په‌كه‌كێ ژ بۆ كو چه‌كدارێن خوه ژ ئێریشێن تركیێ بپارێزیت، لڤ و ته‌ڤگه‌را چه‌كدارێن خوه خستنه ناڤا گوند و دۆربه‌را باژارۆكان و ب ڤێ سه‌ده‌مێ ئه‌ڤ گوند ده‌وام دكه‌ڤن به‌ر ئێریشان و زرار ب خه‌لكێ وان دكه‌ڤن.
دەما سالەکێ یە ئۆپەراسیۆنا ترکیێ ل سنۆرێ ناحیا کانی ماسێ دەستپێ کرییە و د ئەنجامێ دا هەیا نها 5 گوند هاتنە ڤالاکرن و هەموەلاتیەک شەهید بوویە و 5 هەموەلاتیێن دن ژی بریندار بوونە.
