عیماد برهۆ: پەکەکێ رۆژئاڤایێ کوردستانێ خستیە ناڤ رەوشەکا کمباخ

سەرکردەیەکی ئەنجومەنا نشتمانییا کورد ل سووریێ (ئەنەکەسێ) دبێژیت، پەکەکێ رۆژئاڤایێ کوردستانێ خستیە ناڤ رەوشەک تاری و تەنگاڤ دا.

سەرکردەیێ ئەنەکەسێ، «عیماد برھۆ» راگهاند، پەیەدە کو باسکێ پەکەکێ یە ل رۆژئاڤایێ کوردستانێ، ب رەنگەکێ دەستپۆتیک کار دکەت و تەڤاھیا دەریان ل ھەمبەر سەرکەفتنا دانووستاندنێن کورد-کورد دگریت.

عیماد برھۆ ھەر وھا گۆت، پەکەکە و پەیەدە ل سەر رەڤاندنا چالاکڤان و مەدیاکار و سەپاندنا باجێ ب سەر خەلکێ دا و چەکدارکرنا زارۆکان بەردەوامن و ب ڤێ یەکێ ژی رۆژئاڤایێ کوردستانێ خستنە ناڤ رەوشەک تاری و تەنگاڤ دا.

وی سەرکردەیێ ئەنەکەسێ ئانی زمان ژی، پەکەکە و پەیەدە ل بەر چاڤێ ھەسەدێ و فەرماندەیێ وێ «مەزلووم عەبدی» ڤان بنپێکاریان ئەنجام ددەت و مەزلووم عەبدی ژی بێدەنگە.

ب گۆتنا عیماد برھۆ، رەوشا ئابۆرییا خەلکێ رۆژئاڤایێ کوردستانێ پر خرابە، سەبەبکارێ وێ یەکێ ژی پەکەکە و پەیەدەنە چمکی سیاسەت و بەرنامەیەکا وان یا ئابۆری نینە، تەنێ دزانن باجێ ژ خەلکێ بستینن.