رێخستنا پهكهكێ ناسنامهیا 3 جوانێن دن ئهشكهره كر كو 5 سالان بهرێ ب دهستێ ئارتێشا تركیێ دانه كوشتن و ژ نوو ئیرۆ مرنا وان راگهاند.
رێخستنا پهكهكێ ههر ل ناڤبهرا چهند رۆژان وێنهیێن كۆمێن جوان و سنێلهیێن كوردان پارڤه دكه یێن كو ل سالێن بهرێ د بهرخوهدانا خوه یا ساخته ده فهدا كرنه و پاش دهرباسبوونا چهند سالان ژ نوو دبێژه ئهم ههڤالێن خوه برێزداری ببیر تینن.
ئیرۆ رۆژا چارشهمی ژی 9\3\2022ێ ههپهگێ باسكێ لهشكری یێ پهكهكێ ناسنامهیا 3 گهریلایان ئهشكهره كر كو ل سالا 2017ێ ل دێرسمێ دانه كوشتن و پاش دهرباسبوونا 5 سالان ژ نوو مرنا وان راگهاند.
هێژای گۆتنێ یه، تهنێ د ئیسالێ ده، رێخستنا پهكهكێ وێنهیێن پێتری 50 جوان، سنێله و زارۆكان ئهشكهره كرییه یێن كو ووسا ل سالێن بهرێ دانه كوشتن و ژ نوو مرنا وان ئیفشا كرییه، پهكهكه ههر جارێ تام ئاگاهییان ل دهربارێ شهرڤانێن خوه ئهشكهره دكه، وهكه ناڤ و پاشناڤ و جیهێ ژداییكبوونێ، لێ بهلێ تو ئاماژه ب تهمهنا وان ناكه، ژ بۆ كو جینایهتا رهڤاندنا زارۆكان ل سهر وێ تهسبیت نهبه.
رێخستنا پهكهكێ ژ بۆی چێكرنا شهرڤانان پشتبهستنێ ل سهر رهڤاندنا زارۆكێن كوردان ژ ههر چار پهرچهیێن كوردستانێ دكه و ئهڤ یێك ژ هێلا رێخستنێن ناڤدهولهتی و یێن پاراستنا مافێن زارۆكان هاتییه تهسبیت كرن.
