سەرۆکوەزیرێ ئیراقا فەدەرال مسته‌فا کازمی ئیرۆ 14ێ ئادارا 2022ێ، ب سەرۆکاتییا شاندەکێ بلند گه‌هشت هەولێرێ.
سەرۆکوەزیرێ ئیراقا فەدەرال مسته‌فا کازمی ل فرۆکخانەیا ناڤدەولەتی یا هەولێرێ ژ ئالیێ سەرۆکوەزیرێ هەرێما کوردستانێ مەسروور بارزانی ڤە پێشوازی لێ هاتە کرن.
شاندا ل گه‌ل کازمی، ژ وەزیرێ ناڤخوە، وەزیرێ بەرەڤانیێ و شێورمەندێ ئەنجوومەنا نیشتمانی پێک هاتییە و ب ئاوایەکی جودا ل گەل بەرپرسێن پلەبلندێن هەرێما کوردستانێ دێ كۆمبن.
بریارە سەرۆکوەزیرێ ئیراقێ مستەفا کازمی و شاندا ل گه‌ل، سەره‌دانا جهێن کو کەتنە بەر ئێریشا تەرۆریستی یا دوهی ل سەر هەولێرێ بکه‌ن.
ئەڤ سەره‌دان پشتی وێ یه‌كێ دهێت، دوهی بەربانگێ 12 مووشەکێن بالستیك ل ناڤچەیێن هەولێرێ کەتن و د ئەنجامێ دا دو کەس بریندار بوون و زیانێن مادی یێن مەزن دەرکەتن، سپایێ پاسدارێن ئیرانێ ژی ئەو ئێریش گرتە سەر خوە.
