دادگه‌ها رژێما ئیرانێ گرتیێ سیاسی یێ كورد فه‌یرۆز موسالو ل گرتیگه‌ها ناڤه‌ندییا ئورمیێ یا رۆژهلاتا كوردستانێ سێداره دا.
رێخستنا هه‌نگاو یا مافێن مرۆڤان به‌لاڤ كر، دادگه‌ها رژێما ئیرانێ دوهـی رۆژا یه‌كشه‌مبی 13/3/2022ێ، جه‌زایێ سێداره‌دانێ ل سه‌ر گرتیێ سیاسی یێ كورد فه‌یرۆز موسالو، ل گرتیگه‌ها ناڤه‌ندییا ئورمیێ جی ب جی كر.
فه‌یرۆز موسالو خه‌لكێ كۆتۆلا گرێدای پارێزگه‌ها ئورمیێ یا رۆژهلاتا كوردستانێ یه، ئه‌و ل سالا 2019ێ پاش وه‌رگرتنا گه‌ره‌نتیێ خوه ل سه‌رده‌شتێ راده‌ستی سپایێ پاسداران كر.
ل گۆری رێخستنا هه‌نگاوێ، ل ده‌ستپێكێ رایه‌دارێن سپایێ پاسداران ب مالباتا موسالو گۆتبوو كو پاش لكۆلینی ل گه‌ل موسالو ب داوی دبیت، ئه‌و دێ هێته ئازاد كرن، لێ به‌لێ پشتره ئیستخباراتا ئیرانێ ئه‌و برن گرتیگه‌ها ئورمیێ و دوهـی ل وێرێ هات سێداره دان.
