دادگەھا ئیستنافێ: کوشتن “د چارچۆڤەیا قانوونێ دا” بوویە

دادگەھا ئیستینافا ھەرێمی یا ئامەدێ ژ بۆ کوشتنا کەمال کوورکووتی بریار دایە کو “مافێ ژیانێ یێ وی نەھاتیە بنپێکرن.”

 کوورکووتی د نەورۆزا سالا 2017ێ دا ھاتبوو کوشتن.

کەمال کوورکووت د پیرۆزباھیا نەورۆزا سالا 2017ێ دا ل ئامەدێ ھاتبوو کوشتن. د دۆزا کوشتنا کوورکووتی دا “بریارا بێجەزاتیێ” ھاتیە دایین.

دادگەھا ئیستینافێ دیار کریە کو د کوشتنا کەمال کوورکووتی دا ت سووچ نکارە ل سەر پۆلیسێ تۆھبەتبار بێ فەرزکرن و کوشتنا وی “د چارچۆڤەیا ھقووقی دا” ھاتیە کرن.

ل گۆری نووچەیا ئاژانسا مەزۆپۆتامیایێ یەکەمین دایرەیا جەزایی یا دادگەھا ئیستینافا ھەرێمی یا ئامەدێ دەربارێ کوشتنا کەمال کوورکووتی دا بریارا خوە ئاشکەرا کریە. 7ەمین دادگەھا جەزایێ گران یا ئامەدێ د دۆزا کوشتنێ دا دەربارێ پۆلیسێ تومەتبار دا بریارا بەرائەتێ دابوو. ئیترازا ڤێ بریارێ ھاتبوو کرن و دۆسیە چووبوو دادگەھا ئیستنافێ.

دادگەھا ھەرێمی یا ئامەدێ ژ بۆ کوشتنا کەمال کوورکووتی بریار دایە کو “مافێ وی یێ ژیانێ نەھاتیە بنپێکرن.”