پاسه‌وانێن سینۆر دو نوقته‌یێن دن ل حه‌فته‌نینێ جێگیر كرن

حرس الحدود-حفتانین-pasewanen sinor-zavo-batifa-kurd-kurdistan-iraq-pkk-turkey

هێزێن پاسه‌وانێن سینۆر یێن ئارتێشا ئیراقێ، ئیرۆ دو نوقته‌یێن دن ل ده‌ڤه‌را حه‌فته‌نینێ، ژ بۆی پێشی گرتنا ل ئارتێشا ترك جێگیر كرن.

چاڤكانیێن پێگه‌ها داركا مازی ئه‌شكه‌ره‌ كرن، ئیرۆ رۆژا سێشه‌می15/3/2022ێ، هێزا پاسه‌وانێن سینۆر یا ئارتێشا ئیراقێ دو نوقته‌یێن خوه‌ ل ده‌ڤه‌را سینۆرێ ناڤچه‌یا باتیفا ل حه‌فته‌نینێ جێگیر كرن، ئه‌ڤ نوقته‌ ژ بۆ پێشی گرتنا ل پێشڤه‌هاتنا زێده‌تر یا ئارتێشا تركیێ هاتنه‌ چێكرن.

ده‌ست نیشان كر، هه‌روه‌ها یێك ژ ئارمانجێن دن یێن به‌لاڤبوونا هێزا پاسه‌وانێن سینۆر ئه‌ڤه‌ كو شێنیێن ده‌ڤه‌را و گوندێن گرێدای باتیفێ سه‌ربه‌ست هاتن و چوون و كه‌سابه‌تا خوه‌ یا ل گوندان ئه‌نجام بدن.

چاڤكانیێن داركا مازی هه‌روه‌ها ده‌ست نیشان كرنه‌ كو ئه‌ڤ نوقته‌ ل هه‌ر یێك ژ چیایێ به‌هنینا و چیایێ هنداڤا گوندێ بانكێ هاتنه‌ جێگیر كرن.

هێژای گۆتنێ یه‌، رێخستنا په‌كه‌كێ ژ بۆ كو خوه‌ ژ ئێریشێن تركیێ بپارێزه‌، لڤ و ته‌ڤگه‌را چه‌كدارێن خوه‌ خستنه‌ ناڤا گوند و دۆربه‌را باژارۆكان و ب ڤێ سه‌ده‌مێ ئه‌ڤ گوند ده‌وام دكه‌ڤن به‌ر ئێریشان و تێن چۆل كرن.

پوستێن ھەمان بەش